चेतनशिलको बार्षिक साधारण सभा

२१ असोज, हेटौँडा । हेटौँडा–२० मा रहेको चेतनशिल दुग्ध उत्पादक सहकारी संस्थाको २० औं बार्षिक साधारण सभा शुक्रबार सम्पन्न भएको छ । साधारण सभामा अध्यक्ष कृष्णप्रसाद घिमिरेले संस्थागत प्रतिवेदन, लेखा समिति संयोजक गोपालप्रसाद बस्ताकोटीले आर्थिक प्रतिवेदन, बचत तथा ऋण उपसमितिका संयोजक विष्णुमान श्रेष्ठले बचत समितिको प्रतिवेदन प्रस्तुत गरेका थिए ।

सभामा बढि दूध तथा सामान खरिद गर्ने धनबहादुर कार्की, रंगनाथ अधिकारी, पम्फा थापा, कृष्णप्रसाद खतिवडा, ज्येष्ठ शेयर सदस्य चिन्तामणी गौतम, कृष्णप्रसाद लामिछाने, खड्गप्रसाद घिमिरे, पिताम्बर बजगाई र कृष्णप्रसाद दाहाललाई सम्मान गरिएको थियो । यसैगरी, प्रवेशिका परीक्षामा उत्कृष्ट अंक ल्याउने सामुदायिक विद्यालयतर्फ लकिम दाहाल, बर्षात घिमिरे, सञ्चिता नेपाल, संस्थागत विद्यालयतर्फ निशान अधिकारी, कृतिका दाहाल, सुस्मिता अधिकारी, पवन घिमिरे र अजय सापकोटा र उत्कृष्ट कर्मचारीमा विष्णुमणी आचार्यलाई पुरस्कृत गरिएको थियो ।

जिल्ला दुग्ध उत्पादक सहकारी संघका बासुदेव अधिकारीको प्रमुख आतिथ्यतामा भएको कार्यक्रममा संयुक्त वडा कार्यालय हटियाका प्रमुख धु्रव भुजेल, हेटौँडा दुग्ध वितरण आयोजनाका विरेन्द्र भट्ट, निवर्तमान अध्यक्ष एवं जिल्ला संघका प्रतिनिधि कृष्णप्रसाद सापकोटा, नेपाली काँग्रेस २२ नम्बर वडा सभापति उद्धव सत्याल, संस्थाका सल्लाहकार अर्जुनप्रसाद वाग्ले, गैरीगाउँ कृषि संस्थाका अध्यक्ष कृष्णबहादुर राई, नारायणी दुग्ध उत्पादक सहकारी संस्थाका कोषाध्यक्ष रत्नप्रसाद सापकोटा लगायतले मन्तव्य व्यक्त गरेका थिए ।