नेपाली काँग्रेस मकवानपुरको खेलकुद विभाग विस्तार

१६ कार्तिक, हेटौँडा । नेपाली काँग्रेस मकवानपुरको खेलकुद विभाग विस्तार गरिएको छ । यस अघि नेपाली काँग्रेस मकवानपुरको जिल्ला कमिटी बैठकले युवा नेता सुनिलकुमार दाहालको संयोजकत्वमा खेलकुद विभाग गठन गरेको थियो । 
संयोजक दाहालले विहीबार हेटौंडा–२ स्थित पार्टी कार्यालयमा एक समारोहको आयोजना गर्दै खेलकुद विभागलाई विस्तार गरेका हुन् । दाहालले विभागमा आठ जनालाई सदस्यको रुपमा मनोनित गरेका छन् ।
विभाग सदस्यहरुमा दीलिप राजथला, नवराज बज्राचार्य, सुदिप राजबाहक, युद्ध थापा, इन्द्र लामा, सञ्जय श्रेष्ठ, सुवास विडारी तथा सुवास खतिवडा रहेका छन् । 
विभागको विस्तार गर्दै संयोजक दाहालले खेलक्षेत्रको विकासमा लामो समयदेखि काँग्रेसले योगदान पु¥याउँदै आएको बताउँदै थप योगदान दिनका लागि पार्टीले दिएको जिम्मेवारी अनुसार विभागमा सदस्यहरु मनोनति गरिएको बताए । उनले खेलक्षेत्रमा लामो समयदेखि योगदान पु¥याउँदै आएका व्यक्तिहरुलाई समेटर कार्यसमिति पूर्ण गर्ने बताए । 
विभागमा अझै चारजना सदस्य मनोनित गर्न बाँकी रहेको छ ।
कार्यक्रममा नेपाली काँग्रेस मकवानपुर सचिव बुद्ध लामाले पार्टीले विभिन्न १८ वटा विभाग गठन गरेको जसमध्ये खेलकुद पनि भएको बताए । उनले नेपाली खेलकुदले पछिल्लो समय फड्को मारेको बताउँदै आगामी दिनमा काँग्रेसले आवश्यक सहयोग गर्ने प्रतिबद्धता समेत व्यक्त गरे । उनले पुराना खेलाडीलाई सम्मान र नयाँलाई प्रोत्साहन गर्दै विभागलाई अगाडि बढ्न सुझाव दिए ।