गढीमा मिनिपिच (फुटसल) संचालनबारे अन्तरक्रिया

४ मंसिर, हेटौडा । मकवानपुरगढी–३,मक्रान्चुलीमा निर्माण भएको मिनिपिच (फुटसल)को बारेमा मंगलबार सर्वपक्षीय भेला भएको छ ।
भेलामा मिनिपिच संचालन सम्वन्धमा सरोकारवालाहरुले धारणा राखेका थिए । कार्यक्रममा मकवानपुरगढी गाउँपालिकाका अध्यक्ष विदुर हुमागाईले मिनिपिच संचालनले मकवानपुरगढीको पहिचान बढाउन मद्धत गरेकाले यसको सफल संचालनमा गढीबासीहरुको भूमिका महत्वपूर्ण हुने बताए । निर्माण कम्पनीले कति लागतमा मिनिपिच बनाएको भन्ने कुरा सरोकारवालाहरुले जानकारी लिनु पर्ने बताउँदै अध्यक्ष हुमागाईले फूटसलको विकासको लागि गाउँपालिकाले सहयोग गर्ने बताए ।
भानु माविका अध्यक्ष खिलप्रसाद चौलागाईले फूटसलको विषयमा सहि समाचार सम्प्रेषण गर्न पत्रकारहरुलाई आग्रह गरे । फुटसल संचालन गरी यस क्षेत्रमा युवा खेलाडि उत्पादन आफुहरुको लक्ष्य रहेको भन्दै उहाँले मकवानपुरका सरोकारवालाहरुसंगको सहकार्यमा अघि बढ्ने बताए ।
अन्तरक्रिया कार्यक्रममा मकवानपुरगढी–४ का वडा अध्यक्ष रामप्रसाद तिमल्सिना, विद्यालयका प्रधानाध्यापक राजेन्द्र थापा, पूर्वप्रधानाध्यापक कृष्ण पोखरेल, पूर्व अध्यक्ष तेजप्रसाद लम्साल, नेकपा जिल्ला सदस्य भीम पाख्रिन, रानी सामुदायिक वनका अध्यक्ष कृष्ण विडारी, ज्वालादेवी आधारभूत विद्यालयका प्रधानाध्यापक शिवप्रसाद लामिछाने, गढी स्टार स्पोटर्स क्लवका अध्यक्ष राजु दुलाल, समाजसेवी विष्णुप्रसाद लामिछाने लगायतले मिनिपिच (फुटसल) गढीबासीहरुको सम्पति भएकाले सबैले मिलेर सफल संचालन गर्नु पर्नेमा जोड दिएका थिए ।
फूटसललाई व्यवस्थित ढंगबाट संचालनका लागि कार्यविधि तयार गर्न भानु माविका अध्यक्ष खिलप्रसाद चौलागाईको संयोजकत्वमा ५ सदस्यीय समिति समेत गठन गरिएको छ ।