हेटौँडामा राष्ट्रिय भेट्रान्स फुटबल हुने (टिमसहित)

१६ मंसिर, हेटौँडा । हेटौँडा–६ चौघडामा मंसिर १९ गतेदेखि राष्ट्रिय भेट्रान्स एट ए साईड फुटबल प्रतियोगिता हुने भएको छ । प्रतियोगिताको तयारी तिब्र पारिएको आइतबार हेटौँडा ६ वडा नम्बर वडा कार्यालयमा भएको पत्रकार सम्मेलनमार्फत आयोजकले जनाएको हो । 
हेटौँडा भेट्रान्सको आयोजना एवं ६ नम्बर वडा कार्यालयको सहआयोजनामा हुन लागेको प्रतियोगितामा देशभरका १४ टिमको सहभागिता रहने हेटौँडा भेट्रान्सका उपाध्यक्ष नवराज बज्राचार्यले जानकारी दिए । 
बंशगोपाल माविको खेल मैदानमा हुने चौथो संस्करणमा विजेताले शिल्ड, मेडलसहित नगद १ लाख रुपैँया र उपविजेताले नगद ५० हजार रुपैँया प्राप्त गर्नेछन् । प्रतियोगिताका लागि ८ लाख रुपैँया भन्दा बढि खर्च हुने अनुमान गरिएको भेट्रान्सका महासचिव ज्ञानु क्षेत्रीले बताए । पत्रकार सम्मेलनमा हेटोँडा वडा नम्बर ६ का अध्यक्ष अर्जुनप्रसाद चौलागाई, वडा सदस्य राजकुमार बास्तोलासहित भेट्रान्सका पदाधिकारीहरुको सहभागिता रहेको थियो ।
प्रतियोगताको अघिल्लो संस्करणको विजेता सानो गौचरण नाईट किङ रहेको थियो ।

प्रतियोगितामा सहभागी हुने टिमहरु
१. सानो गौचरण नाईट किङ, काठमाडौं
२. किङकङ भेट्रान्स, काठमाडौं
३. कैलाली टिम, कैलाली
४. बगरभाई खलक ए, पोखरा
५. बगरभाई खलक बी, पोखरा
६. अमरसिंह युवा क्लव, पोखरा
७. बीरगञ्ज युथ एकेडेमी, बीरगञ्ज
८. चितवन भेट्रान्स, चितवन
९. सिमरा भेट्रान्स, सिमरा
१०. हेटौँडा भेट्रान्स, हेटौँडा
११. सिएफटी, हेटौँडा
१२. बुटबल भेट्रान्स, बुटबल
१३. पश्चिम चितवन भेट्रान्स, चितवन
१४. नवलपरासी भेट्रान्स, नवलपरासी