मकवानपुरका दुई खेलाडी सम्मानीत

२१ मंसिर, हेटौँडा । मकवानपुर जिल्ला खेलकुद विकास समितिले विहिबार मकवानपुरका दुईजना खेलाडीहरुलाई सम्मान गरेको छ । इन्डोनेशियाको जाकार्तामा भएको १५ आँै एशिया प्यासिफिक कराते प्रतियोगितामा नेपालकै तर्फबाट स्वर्णपदक जित्ने राक्सिराङका गणेश थिङ र काठमाण्डौमा भएको नोविस बक्सिङमा स्वर्ण पदक सहित उत्कृष्ट बक्सरको उपाधि जित्न सफल हेटौंडा–५ का जवीन पाख्रिनलाई सम्मान गरेको हो । 
जिल्ला खेलकुद विकास समितिले दुवै खेलाडीहरुलाई जनही दुईहजार पाँच सय र सम्मान पत्र प्रदान गरेको छ । 
थिङ र पाख्रिनलाई खेलकुद विकास समितिका अध्यक्ष माधव तिमल्सिाना, सचिव राजन दाहाल खुसराजलगायतले सम्मान गरेका हुन् । 
यस्तै बक्सिङ खेलाडी पाख्रिनलाई जिल्ला बक्सिङ संघका अध्यक्ष वेष खड्गीले एक हजार पाँच सय, रिलायन्स स्कुलका संस्थापक प्रिन्सिपल तथा बक्सिङ संघ मकवानपुरका सस्थापक अध्यक्ष केशबलाल श्रेष्ठले ३ हजार र हाल अमेरिकामा रहेका मकवानपुरे पूर्व बक्सर धु्रवलाल श्रेष्ठले दश हजार नगद प्रदान गरे । 
यसैगरी कराते खेलाडी थिंङलाई प्रशिक्षकहरुका तर्फबाट ३ हजार र बक्सिङ संघ अध्यक्ष वेष खड्गीले एकहजार पाँचसय सहयोग गरेका थिए ।
फोटोः बक्सिङ प्रशिक्षक लाल पौडेल