'मिलेर अघि बढे अार्थिक समृद्धि सम्भव'

७ कार्तिक, हेटौंडा । उद्योग मन्त्री नविन्द्रराज जोशीले सबै मिलेर अघि बढेमात्रै अार्थिक समृद्धि सम्भव हुने बताएका छन् । 
हेटौंडा सिमेन्ट उद्योगमा अाइतबार भएको अन्तरक्रियामा उनले कामदार, रोजगारदाता र सरकार मिलेर अघि बढेमात्रै अार्थिक समृद्धि सम्भव हुने बताए  । अौद्योगिक क्षेत्रमा देखिएको मालिक र मजदुरको सोचलाई बदलेर सहयात्रीको अवधारणा अघि सार्नु जरूरी रहेको मन्त्री जोशीको भनाई थियो । अहिले अौद्योगिक वातावरणबारे विदेशी लगानीकर्तामा गलत धारणा रहेकाले यसलाई चिर्न कामदार, रोजगारदाता र सरकार तीनै पक्षले ठोस काम गर्नु जरूरी रहेको मन्त्री जोशीले बताए । 
अाफु बन्द उद्योग सुचारू गरेर अघि बढ्ने पक्षमा रहेको बताउँदै यसका लागि केही निर्मम निर्णय लिनुपर्नेमा उनले जोड दिए । हायर एण्ड फायर, नो वर्क नो पे जस्ता विषयमा गलत प्रचार भईरहेको भन्दै भ्रमबारे स्पष्ट पार्न सरकार तयार रहेको भन्दै ढुक्क भएर काम गर्न कामदारहरू उनको अाग्रह थियो  । 
उद्योग सचिव शंकर कोइरालाले हेटौंडा सिमेन्ट उद्योग सम्बद्ध पक्षलाई निश्चित अवधिको विस्तृत कार्ययोजना ल्याउन सुझाव दिए । अन्तरक्रिया कार्यक्रममा उद्योगका महाप्रबन्धक प्रेमशंकर सिंह र ट्रेड युनियनका प्रतिनिधिले उद्योगको अवस्था र सुधारका अपेक्षाबारे अवगत गराएका थिए । 
कार्यक्रममा मकवानपुर उद्योग बाणिज्य संघले मन्त्री जोशीलाई स्वागत गरेको थियो । अध्यक्ष राजकुमार न्यौपाने र महासचिव महेन्द्र राउतसहितको टोलीले अार्थिक क्षेत्रका समस्याबारे ध्यानाकर्षण गराउन मन्त्री जोशीलाई संघको ध्यानाकर्षण अवधारणा पत्र समेत बुझाएका थिए ।