जिल्लास्तरीय तेक्वान्दो प्रतियोगिता सुरु

१८ माघ, हेटौँडा ।नेपाल लोकतान्त्रिक खेलकुद संघ मकवानपुरको आयोजनामा शुक्रबारदेखि हेटौंडामा जिल्लास्तरीय तेक्वान्दो प्रतियोगिता सुरु भएको छ । प्रतियोगिता हेटौंडा–१० स्थित टीसीएनको चौरमा सुरु भएको हो । 
 प्रतियोगिताको एक समारोहका बिच नेपाली काँग्रेस केन्द्रीय सदस्य महालक्ष्मी उपाध्याय डीनाले उदघाटन गरेकी छिन । प्रतियोगितामा महिला र पुरुष गरी एकसय २० जना खेलाडी सहभागी रहेन नेपाल लोकतान्त्रिक खेलकुद संघ मकवानपुरका अध्यक्ष सविन भट्टाचार्यले बताए ।  उनले खेललाई पुरुषतर्फ १३ र महिलातर्फ ११ समूहमा विभाजन गरेर खेलाइएको बताए ।  प्रतियोगितामा टीसीएन, तासिर, क्रियटिभ, पशुपतिनगर, नामटार, सनराइज, हटिया र हेटौंडा तेक्वान्दो डोजाङका खेलाडी सहभागीता रहेको छ भने प्रतियोगिता शनिबार सम्म खेलाईने छ । प्रतियोगिताका लागि करिब एकलाख ७० हजार रुपियाँ खर्च अनुमान गरिएको संघका सचिव प्रदीप कँडेलले जनाएका छन । 

प्रतियोगिताको उद्घाटन समारोहमा प्रतियोगिता संयोजक मानबहादुर लाइबा, नेपाली काँग्रेस जिल्ला सचिव बुद्ध लामा, नेपाली काँग्रेस खेलकुद विभाग सचिव युद थापा, तेक्वान्दो प्रशिक्षक माधव कोइराला, राखेपका कानुन शाखा प्रमुख नारायण अर्याल र राष्ट्रिय तेक्वान्दो महासंघ नेपालका केन्द्रीय उपाध्यक्ष ध्रुबबहादुर गुरुङलगायतले मन्तव्य व्यक्त गरेका थिए । संघले केहि समय अगाडी जिल्लास्तरीय वीपी कप फुटबल प्रतियोगिता आयोजना गरेको थियो ।