दोश्रो भुगर्व सिमेन्ट सहिद स्मृति मकवानपुर गोल्डकप            

१० चैत,हेटौंडा। हेटौंडा १० मा रहेको वन विज्ञानको खेल मैदानमा भईरहेको दोश्रो भुगर्व सिमेन्ट सहिद स्मृति मकवानपुर गोल्डकप फुटबल प्रतियोगिताको आइतबार १ खेल हुदैछ । आईतबार हुने खेलमा क्यामरुनी क्लब दाफिन्सले  सशस्त्र प्रहरीको (एपीएफ) क्लबसँग प्रतिस्पर्धा गर्दैछ ।जारी प्रतियोगिताको यसअघी भएको खेलमा एपीएफले हिमालयन शेर्पालाई पराजित गर्दै फाइनलको अन्तिम आठको यात्रा तय गरेको थियो भने दाफिन्सले सोझै क्वार्टरफाइनलमा स्थान बनाएको थियो ।
जारी सिजन दाफिन्स र एपीएफबीच चारपटक खेल भएको छ । जसमा चारैपटक दाफिन्सले बाजी मारेको छ । चारपटकको हारको बदला लिने उद्देश्यसाथ एपीएफ आज मैदानमा उत्रिनेछ भने  दाफिन्स आफ्नो जीतलाई निरन्तरता दिन चाहान्छ । दाफिन्समा सवै अफ्रिकन मूलका खेलाडी रहेका छन् । दाफिन्सले जारी सिजना मोफासलमा भएको चारवटा प्रतियोगिता आफ्नो नाममा लेखाइसकेको छ ।
चैत ७ गते बाट चैत १६ गते सम्म चल्ने फुटबल प्रतियोगिताम आयोजक मकवानपुर ११,विदेशी क्लब दाफिन्स,थ्रीस्टार,आर्मी,प्रहरी,सशस्त्र,हिमालयन शेर्पा,च्यासल,सरस्वती र मच्छिन्द्र क्लब सहित राष्ट्रियस्तरको ए डिभिजन क्लबका आठ टोलीको सहभागिता रहेको छ .प्रतियोगितामा विजेता प्रथम हुने टिमलाई ८ लाख र उपवजेता दोस्रो हुने टिमलाई ४ लाख रुपयाँ रहेको आयोजकले जनाएको छ । प्रतियोगिताको सर्वोत्कृष्ट खेलाडीलाई नगर ७५ हजार रुपयाँ र विधागद उत्कृष्ट खेलाडी तथा प्रशिक्षकलाई जनही नगद २०÷२० हजार रुपयाँ रहेको बताईएको छ ।