इन्डियन प्रिमियर लिगः कोलकताको प्ले अफ संभावना कायमै 

१६ वैशाख, हेटौँडा । इन्डियन प्रिमियर लिग(आईपीएल) को ४७ औं खेलमा कोलकता नाइट राइडर्सले मुम्बई इन्डियन्सलाई हराएसँगै प्ले अफका संभावना कायमै राखेको छ ।
आइतबार राती सम्पन्न खेलमा मुम्बईलाई ३४ रनले पराजित गर्दै कोलकताले प्ले अफको संभावना कायमै राखेको हो । २ सय ३३ रनको विशाल लक्ष्य पछ्याएको मुम्बईले निर्धाति २० ओभरमा ७ विकेट गुमाउँदै १ सय ९८ रन बनायो ।
मुम्बईका लागि हार्दिक पान्ड्याले विश्फोटक ब्याटिङ गर्दै ९१ रन बटुले पनि टोलीको हार टार्न सकेनन् । १८ ओभरको अन्तिम बलमा हेरी गुर्नीले आन्द्रे रसेलबाट क्याच गराउनु अघि उनले ३४ बलमा ६ चौका र ९ छक्का प्रहार गर्दै ९१ रन बनाएका थिए ।
यस्तै कुनाल पान्ड्या २४, काइरन पोलार्ड २०, सुर्य कुमार यादव २६, इभिन लुईस १५ र कप्तान रोहित शर्मा १२ रनमा आउट भए । कोलकताका हेरी गुर्नी र आन्द्रे रसेलले समान २ विकेट लिए ।
यस अघि घरेलु मैदान इडेन गार्डेनमा टस हारेर पहिला ब्याटिङ थालेको कोलकताले निर्धारित २० ओभरमा २ विकेट गुमाउँदै २ सय ३२ रन बनाउको थियो । कोलकताको विशाल योगफलका आन्द्रे रसेलका ८०,  सुभमन गिलको ७६ र क्रिस लिनको ५४ रन महत्पूर्ण रह्यो । यस्तै कप्तान दिनेश कार्तिक १५ रनमा अविजित रहे । 
मुम्बईका राहुल चाहर र हार्दिक पान्ड्याले समान १ विकेट लिए । यो जितसँगै कोलकता १२ खेलमा ५ मा जित र ७ मा हारका साथ अंक तालिकामा पाँचौ स्थानमा उक्लिएको छ । (एजेन्सी)