विश्वकप क्रिकेटः  इंग्ल्याण्डको विजयी सुरुवात

१७ जेष्ठ, हेटौँडा । विहिबारबाट सुरु भएको आईसीसी एकदिवसीय क्रिकेट प्रतियोगितामा इंग्ल्याण्डले विजयी सुरुवात गरेको छ । 
प्रतियोगिताको पहिलो खेलमा इंग्ल्याण्डले दक्षिण अफ्रिकालाई एक सय चार रनले हरायो । लण्डनस्थित द ओभल मैदानमा टस हारेर ब्याटिङको निम्तो पाएको इंग्ल्याण्डले ५० ओभरमा ८ विकेट गुमाउँदै तीन ३११ रन बनाएको थियो । जवाफमा दक्षिण अफ्रिका ३९ ओभर ५ बलमा २०७ रनमा अलआउट भएपछि इंग्ल्याण्ड पहिलो खेलमा विजयी भयो । 
कमजोर सुरुवात गरे पनि इंग्ल्याण्डको पारीलाई जेसोन रोय र जोय रुटले बचाए । एक रनमा पहिलो विकेट गुमाएको उसका लागि रोय र रुटले दोस्रो विकेटका रुपमा १०६ रनको साझेदारी गरे ।
इंग्ल्याण्डका लागिा रोयले ५४, जोय रुटले ५१, र ओयन मोर्गनले ५७ रन बनाए । यस्तै विहिबारको खेलमा उत्कृष्ट प्रदेर्शन गरेका बेन स्टोक्सले ८९ रन बनाए भने जोस बट्लरले १८र  क्रिस वोक्सले १३ रन बनाए ।
बलिङतर्फ दक्षिण अफ्रिकाका लागि लुंगी एनगिडीले ३ विकेट लिए भने इमरान ताहिर र रबाडाले २ ÷ २ विकेट लिए । 
यस्तै दक्षिण अफ्रिकाका लागि क्विण्टन डी ककले ६८ तथा भान देर डुसेनले ५० रन बनाए । अन्य खेलाडीहरुले राम्रो प्रदर्शन गर्न नसकेपछि दक्षिण अफ्रिका पराजित भयो ।
बलिङतर्फ इंग्ल्याण्डका लागि जोफ्रा आर्चरले तीन तथा बेन स्टोकले दुई विकेट लिए । (एजेन्सी)