क्षतिपूर्ति दिए सडक विस्तारमा बाधा नगर्ने

२६ मंसिर, हेटौँडा । हेटौँडाका सरोकारवालाहरुले आफुहरुलाई क्षतिपूर्ति दिए सडक विस्तारमा बाधा नगर्ने बताएका छन् । मकवानपुर उद्योग बाणिज्य संघले पूर्वपश्चिम राजमार्ग विस्तारबारे सरोकारवालाहरुसँग गरेको छलफलमा उनीहरुले आफुहरु विकास विरोधी नभएको भन्दै उचित क्षतिपूर्ति उपलव्ध भए २५ मिटर विस्तारमा बाधा नगर्ने बताएका हुन् । 
हेटौंडाका स्थानीय उद्योगी, व्यवसायी तथा घरधनीहरुले विना क्षतिपूर्ति सडक विस्तार गर्दा ठूलो आर्थिक क्षति हुने भन्दै यसबारे सचेत हुन सम्बन्धित निकायहरुलाई उनीहरुको सुझाव थियो । कार्यक्रममा हेटौंडाबासी विकास विरोधि नभएको र चलनचल्तीको मूल्यमा मुआब्जा एवम् क्षतिपूर्ति उपलव्ध भए २५ मीटर सडक विस्तारमा आफूहरुले सहयोग गर्ने कार्यक्रममा सहभागीहरुको भनाई थियो । 
संघका अध्यक्ष राजकुमार न्यौपानेले मुआब्जा सहितको सडक विस्तारमा संघको समर्थन रहेको तर बिना मुआब्जा सडक विस्तार कार्य अघि बढाईए संघकै नेतृत्वमा आन्दोलनको कार्यक्रम गर्ने भेलाले निर्णय गरेको छ । 
दशकौं देखि अन्यौलमा रहेको सडक विस्तार नहुदा २५ मीटर भित्रका जग्गा तथा भौतिक संरचनाको किनबेच र बैंकले समेत धितो राख्ने गरेको छैन । यसैगरी मकवानपुर सदरमुकाम हेटौडामा सवारी चापका कारण आवत जावतमा असर गरिरहेको छ ।