बंशगोपाल माविमा नयाँ समिति चयन

रोजिन श्रेष्ठ

१५ पुस, हेटौंडा । बंशगोपाल माध्यमिक विद्यालयको १३ औं अभिभावक भेला शुक्रबार सम्पन्न भएको छ । भेलाले व्यवस्थापन समितिमा नयाँ कार्यसमिति समेत चयन गरिएको छ ।

भेलाले नयाँ बनेको शिक्षा ऐनबमोजिम दुई जना महिला र दुई जना पुरुषगरी चारजना सदस्य चयन गरेको छ । नयाँ सदस्यहरुमा रणबहादुर न्यौपाने, मुकुन्दप्रसाद अधिकारी, शर्मिला राई र विमला ढुंगाना रहेका छन् । नयाँ समितिलाई विद्यालय निरीक्षक चौधरी तथा स्रोतव्यक्ति किरण आचार्यलगायतले शुभकामना एवम् बधाई ज्ञापन गरेका छन् ।

कार्यक्रममा विद्यालयको प्रतिवेदन प्राचार्य रमेशप्रसाद लामिछाने, तथा सामाजिक लेखापरीक्षणसमिति अध्यक्ष श्यामप्रसाद न्यौपानेले बार्षिक आयव्यय प्रस्तुत गरेका थिए । भेलामा विद्यालयको भौतिक तथा शैक्षिक गुणस्तरीय विकासको लागि योगदान पुर्याएको भन्दै पूर्वअध्यक्ष त्रिविक्रम मानन्धर, साधुराम चौंलागाई र बालकृष्ण चौंलागाईलाई सम्मान गरिएको थियो ।

जिल्ला शिक्षा कार्यालय मकवानपुरका विद्यालय निरीक्षक देवनारायण चौधरीको प्रमुख आतिथ्यता तथा विद्यालय व्यवस्थापन समितिका अध्यक्ष राजेन्द्रप्रसाद चौंलागाईको सभाध्यतामा सम्पन्न भेलामा भेलामा स्रोतव्यक्ति किरण आचार्य, राजनैतिक दलको तर्फबाट पुष्पराज पराजुली, बंशगोपाल बहुमुखी क्याम्पसमा अध्यक्ष उज्वल चौलागाई, नवज्योति माविका अध्यक्ष विजय बस्नेत, निवर्तमान अध्यक्ष बालकृष्ण चौलागाई, रानी सामुदायिक वनका अध्यक्ष विष्णुप्रसाद न्यौपाने, विद्यालयका सहायक प्रअ ललनकुमार पाण्डेय लगायतले मन्तव्य व्यक्त गरेका थिए ।