सुनगाभाको अभिभावक भेला सम्पन्न

१६ पुस, हेटौँडा । हेटौँडा–६ चौघडामा रहेको सुनगाभा शिक्षा निकेतन ईङ्गलिस स्कूलको १७ औं अभिभावक भेला शनिबार सम्पन्न भएको छ । 
अभिभावक भेलामा विद्यालयका प्रधानाध्यापक केबि खवासले विद्यालयको शैक्षिक प्रतिवेदन प्रस्तुत गरेका थिए । कार्यक्रममा कक्षागत रुपमा प्रथम, द्वितिय र तृतिय हुने विद्यार्थीहरुलाई पुरस्कार वितरण गरिएको थियो । कार्यक्रममा उत्कृष्ट विद्यार्थी कक्षा ९ का सिद्धान्त अधिकारी, अनुशासित विद्यार्थी आयुषा गौतम, अंकिता लामा र सरसफाईमा उत्कृष्ट कृतिषा धिताललाई पुरस्कृत गरिएको थियो । पुरस्कार हेटौँडा–६ चौघडास्थित पुष्प स्टेशनरी एण्ड कस्मेटिक सेन्टर चौघडाले सहयोग गरेको थियो । 
सुनभागा शिक्षा निकेतन कम्पनी संचालक समितिका अध्यक्ष रामहरी न्यौपानेको प्रमुख आतिथ्यता एवं विद्यालय व्यवस्थापन समितिका अध्यक्ष हिमाल पौडेलको अध्यक्षतामा कार्यक्रम भएको थियो । कार्यक्रममा प्रधानाध्यापक केवि खवास, शिक्षिका प्रसन्ना रिजाल र कार्यालय सहयोगी चण्डिका ढकाललाई सम्मान गरिएको थियो । 
कार्यक्रममा प्याव्सन मकवानपुरका सचिव विनोद सुवेदी, राष्ट्रिय अभिभावक संघका अध्यक्ष साधुराम चौलागाई, संस्थाका प्रवन्ध सञ्चालक रामहरी चौलागाई, संचालक सदस्य गुरुप्रसाद सापकोटा, विद्यालय व्यवस्थापन समिति सदस्य पार्वति दुलाल, अभिभावक शालिकराम घिमिरे, संचारकर्मी रुपेश दुलाल, भीमसेन पौडेल लगायतले मन्तव्य व्यक्त गरेका थिए । 
विद्यार्थीहरुले नृत्य, सचेतनामुलक नाटक र गीत प्रस्तुत गरेर अभिभावकहरुलाई मनोरञ्जन प्रदान गरेका थिए ।