जिल्ला लिग फुटबलः शुक्रबार पनि तीन खेल सम्पन्न

२० भदौ, हेटौंडा । हेटौडाको लोकतान्त्रिक चौर हुप्रमा जारी दानबहादुर स्मृति जिल्ला लिग फुटबल प्रतियोगितामा शुक्रबार तीन खेल सम्पन्न भएका छन् ।
शुक्रबार सम्पन्न खेलहरुमा पदमपोखरी युथ क्लब, डाँफे युथ क्लब विजयी भएका छन भने चुरेकालिका युवा क्लब र चाइना क्वाटर फुटबल क्लबले बराबरी खेलेका छन् । 
शुक्रबार बिहान भएको पहिलो खेलमा पदमपोखरी युथ क्लबले रियल स्टार क्लब लाई ३–१ गोल अन्तरले पराजित गरेको छ । पदमफोखरीको जितका लागी सुर्यबहादुर वाईबाले २ र विज्ञान लामाले १ गोल गरे । यस्तै रियल स्टार क्लबका मरीच ब्लोनले १ गोल फर्काए । 
यस्तै शुक्रबार दिउँसो भएको दोश्रो खेलमा डाँफे युथ क्लब विजयी भएको छ । डाँफे युथ क्लबले सानोपोखरा क्लबलाई ४–१ गोल अन्तरले पराजित गरेको हो । डाँफेको जितका लागी विश्व लामाले २ तथा ऋषि मुतmान र जुनेल दोङले १÷१ गोल गरे । यस्तै  सानोपोखरा क्लबका तर्फबाट दावा दोर्जे गोलेले सान्त्वना एक गोल फर्काए । 
यसैगरी प्रतियोगिता अन्तर्ग शुक्रबार भएको तेश्रो तथा अन्तिम खेलमा चुरेकालिका युवा क्लब र चाइना क्वाटर फुटबल क्लबले बराबरी खेलेका छन् । दुवै टिमका तर्फबाट खेल अवधिभर कुनै पनि गोल हुन सकेन र दुबै टिमले अंक बाँडे । असोज ११ गतेसम्म चल्ने प्रतियोगिताको विजेताले नगद १ लाख रुपैयाँ र उपविजेताले ५० हजार रुपैयाँ पुरस्कार प्राप्त गर्नेछन् । फोटोः गुगल