जिल्ला लिग फुटबलः मंगलबार तीन खेल सम्पन्न    

२४ भदौ, हेटौंडा । हेटौंडामा जारी दानबहादुर श्रेष्ठ स्मृति जिल्ला लिग फुटबल प्रतियोगिताअन्तर्गत मंगलबार तीन खेल सम्पन्न भएका छन् ।
मंगलबार भएका तीन खेलहरुमा भुटनदेबि युवा क्लब र बुद्ध युवा क्लब  विजयी भएका छन् भने एफसी मल्टिभिजन र सात नम्बर फुटबल क्लबले बराबरी खेलेका छन् ।
मंगलबार बिहान भएको पहिलो खेलमा भुटनदेबि युवा क्लबले हेटौडा फुटबल ऐकेडेमीलाई १–० गोलअन्तरले पराजित गरेको हो । भुटनदेबि युवा क्लबकालागि अरुण नेपालीले एकमात्र निर्णायक गोल गरे । 
यस्तै मंगलबार दिउसो भएको दोश्रो खेलमा बुद्ध युवा क्लबले गोर्खा ब्वाईजलाई ३–० गोलअन्तरले पराजित गर्यो । बुद्ध युवा क्लबको जितका लागी राजन स्याङतान एक्लैले २ गोल गरे भने सोमेश माझीले १ गोल गरे । 
यस्तै मंगलबार भएको तेश्रो तथा अन्तिम खेलमा एफसी मल्टिभिजन र सात नम्बर फुटबल क्लबले बराबरी खेलेका छन् । निर्धारित समयमा दुबै तर्फबाट कुनैपनि गोल हुन नसकेपछि खेल बराबरीमा टुङ्गिएको हो । 
गत बुधबारदेखि सुरु भएको प्रतियोगिता आगामी असोज ११ गतेसम्म चल्नेछ । लिगको विजेताले नगद १ लाख रुपैयाँ र उपविजेताले ५० हजार रुपैयाँ पुरस्कार प्राप्त गर्ने आयोजक जिल्ला फुटबल संघ मकवानपुरले जनाएको छ