जिल्ला लिगः विहिबार ४ खेल सम्पन्न

२६ भदौ, हेटौंडा । हेटौंडामा जारी दानबहादुर श्रेष्ठ स्मृति जिल्ला लिग फुटबल प्रतियोगिताअन्तर्गत बिहिबार ४ खेल सम्पन्न भएका छन् । 
विहिबार भएका ४ खेलमा पदमपोखरी युवा क्लब र सानोपोखरा फुटबल क्लब विजयी भएका छन् । यस्तै प्रतिभा युवा क्लब र न्यु डाँफे क्लबबिच तथा युनाईटेड नाईन क्लब र सक्षम युवा क्लब बीचको खेल बराबरीमा टुंगिएका छन् । 
बिहिबार बिहान भएको पहिलो खेलमा पदमपोखरी युवा क्लबले चाईनाक्वाटर फुटबल क्लबलाई ३–१ गोलअन्तरले पराजित गरेको हो । पदमपोखरी युवा क्लबकालागि दिलिप मोतmान, सुर्य वाईवा र शुरेस घलानले १–१ गोल गरे । यस्तै भने चाईनाक्वाटर फुटबल क्लबकालागी डेबिड श्रेष्ठले एक गोल फर्काए । 
यसैगरी बिहिबार बिहानै भएको दोस्रो खेलमा सानोपोखरा फुटबल क्लबले पिप्ले युवा क्लबलाई २–१ गोलअन्तरले पराजित गरेको छ । सानोपोखरा क्लबको जितका लागी उमेश सञ्जेलले २ गोल गरे पिप्ले युवा क्लबका लागी सानोपोखरा क्लबको सोमलाल गोलेले आत्माघाती गोल गरेका थिए । 
यस्तै बिहिबार दिउँसो भएको प्रतिभा युवा क्लब र न्यु डाँफे क्लबबिचको तेश्रो खेल गोल बराबरीमा टुंगिएको छ । 
यसैगरी बिहिबार नै भएको तेश्रो तथा अन्तिम खेलमा युनाईटेड नाईन क्लब र सक्षम युवा क्लबले २–२ गोलको बराबरी खेलेका छन् । खेलमा युनाईटेड नाईन क्लबकालागी अभि राई र सरोज मोक्तानले १–१ गोल गरे भने सक्षम युवा क्लबका लागी बादल थिंङ एक्लैले २ गोल गरे ।