जिल्ला लिगः उपाधिका लागी हटिया स्पोर्टस र न्यू डाँफे भिड्ने

९ असोज, हेटौंडा । हेटौंडामा जारी दानबहादुर श्रेष्ठ स्मृति जिल्ला लिग फुटबल प्रतियोगिताको फाइनलमा उपाधिका लागि न्यू डाँफे क्लव र हटिया स्पोर्टस् एकेडेमी भिड्ने भएका छन् ।
विहिबार सम्पन्न सेमिफाइनल खेलमा जित निकाल्दै न्यू डाँफे क्लब र हटिया फाइनल पुगेका हुन् । बिहीबार भएको पहिलो सेमीफाइनल खेलमा बुद्ध युवा क्लव हात्तिसुँढेलाई २–१ गोल अन्तरले हराउँदै डाँफेले फाइनलमा स्थान बनाएको हो । डाँफेको जितका लागी विशाल भ्लोन र विश्वास ढकालले समान १–१ गोल गरे । बुद्ध युवा क्लव हटियाको तर्फबाट तारा नेगीले एक गोल फर्काए । खेलमा न्यू डाँफेका फत्तेमान घले म्यान अफ दी म्याच घोषित भए ।
यस्तै विहिबारकै दोश्रो सेमिफाइनल खेलमा पटकको लिग च्याम्पियन एफसी पोतालालाई हराउँदै हटिया स्पोर्ट एकेडेमी फाइनल प्रवेश गरेको छ । हटियाले एफसी पोतालालाई २–१ गोल अन्तरले हराएको हो । हटियाको जितका लागि अनिष लुइँटेल र सुरज मोक्तानले गोल गरे भने पोतालाका विशाल तामाङले एक गोल फर्काए । यस्तै हटियाका राजेश पाण्डे म्यान अफ दी म्याच घोषित भए ।
मकवानपुर जिल्ला फुटबल संघको आयोजनामा जारी लिगको उपाधि भिडन्त असोज ११ गते शनिबार हुने छ । प्रतियोगिताको विजेताले नगद १ लाख र उपविजेताले ५० हजारसहित ट्रफी र प्रमाणपत्र प्राप्त गर्ने आयोजकले जनाएको छ ।