अन्तर भातृ संगठन फुटसलमा नेविसंघ विजयी

११ असोज, हेटौंडा । नेपाली कांग्रेस निकट नेपाल लोकतान्त्रीक खेलकुद संघ मकवानपुरले अयोजना गरेको अन्तर भातृ संगठन फुटसल प्रतियोगिता नेपाल विद्यार्थी संघ मकवानपुरले जितेको छ ।
नेपाल प्रेस युनियन, नेपाल तरुण दल, नेपाल विद्यार्थी संघ र लोकतान्त्रिक खेलकुद संघ मकवानपुर विच भएको खेलमा विद्यार्थी संघ विजयी भएको हो । 
विद्यार्थीले तरुण टोलीलाई ८–७ गोल अन्तरले पराजित गर्यो । नकाउटको आधारमा खेलाईएको प्रतियोगितामा नेपाल तरुण दल उपविजेता भयो । 
यसअघि शनिवार विहानै भएको खेलमा नेपाल विद्यार्थी संघले आयोजक नेपाल लोकतान्त्रिक खेलकुद संघ मकवापनुर र तरुण दलले नेपाल प्रेस युयिनलाई हराउँदै फाइनल प्रवेश गरेका थिए । 
प्रतियोगिताको उद्घाटन गर्दै नेपाली कांग्रेस मकवापनुरका कार्यबहाक सभापति बिष्णुप्रसाद लामिछानले विजय दशमी, शुभ दिपावली, नेपाल संव र छठको अवसर पारेर आयोजना गरेको प्रतियोगिताले पार्टीका भातृ तथा सुभेच्छुक संस्थाहरुविच मित्रता, भाइचारा र सहकार्यको विकास हुने विश्वास व्यक्त गर्नुभयो ।
नेपाल लोकतान्त्रिक खेलकुद संघ मकवानपुरका अध्यक्ष सविन भट्टाचार्यको सभाध्यक्षतामा भएको उद्घाटन कार्यक्रममा नेपाली कांग्रेसका सल्लाहाकार प्रभात दाहाल, भरत पराजुली, पार्टी सचिब बुद्ध लामा, पार्टी प्रवक्ता प्रदिप पराजुली, खेलकुद विभाग प्रमुख सुनिल दाहाल, जिल्ला सदस्य अमृता लामा, प्रेस युनियनका केन्द्रीय सदस्य एवम मध्यामाञ्चल संयोजक राममणी दाहाल, तरुण दलका जिल्ला अध्यक्ष इश्वर पाठक, नेविसंघ मकवापनुरका अध्यक्ष राजु खतिवडा, नेपाल प्रेस युनियन मकवानपुरका अध्यक्ष कुमार अधिकारी पोष्टाराज, लोकतान्त्रिक खेलकुद संघ मकवानपुरका उपाध्यक्ष सर्मिला श्रेष्ठ, नेपाल ट्रेड युनियन मकवानपुरका उपाध्यक्ष तारा कार्की, महिला संघ जिल्ला सचिव निलम देवकोटा लगायतकाको उपस्थिति रहेको थियो । 

प्रतियोगितामा विजेता बनेको नेविसंघले १७ किलोको खसी सहित ट्रफी र प्रमाणपत्र प्राप्त गरेको छ भने उपविजेता बनेको तरुण दलले १२ किलोको बोका प्राप्त गरेको प्रतियोगिता संयोजक युवराज लामाले जानकारी दिए । यस्तै सान्त्वना भएका नेपाल प्रेस युुनियन मकवानपुर र लोकतान्त्रिक खेलकुद संघ मकवानपुरले  दुई टिमल ५–५ किलोको कुखुरा प्राप्त गरेका छन् ।