राप्रपा मकवानपुरमा गणेश थापाको चर्चा

२५ माघ, हेटौंडा । एकता महाधिवेशनको तयारीमा जुटेको राष्ट्रिय प्रजातन्त्र पार्टीले मंगलबार जिल्ला अधिवेशन गर्दैछ । मकवानपुरमा जिल्ला अधिवेशन प्रतिनिधिबीच अध्यक्षका उम्मेदवारबारे चर्चा भईरहेको छ ।

अधिवेशन प्रतिनिधिहरूले जिल्ला अध्यक्षमा यसपाली सांसद गणेश थापाको उम्मेदवारीबारेे चर्चा गरिरहेका छन् । राप्रपाका एक नेताले थापाले उम्मेदवारी दिए निर्विरोध अध्यक्ष चयन हुने दावी गरेका छन् । पछिल्लो समय जिल्लामा सक्रिय देखिनु थापाको नेतृृत्वका लागि तयारीको रूपमा धेरैले बुझेका छन् । केही नेताहरूले थापालाई खुलेरै उम्मेदवार हुनुपर्ने बताईरहेका छन् भने केहीले भित्री रूपमा अघि बढ्न 'ग्रिन सिग्नल' दिएका छन् । तर फुटवलको विवाद र राजनीतिक सुजबुझ कम रहेेकाले उनलाई नेतृत्व अाउन नदिन कसरत समेत भईरहेको छ ।

अध्यक्षको उम्मेदवारको रूपमा वर्तमान अध्यक्ष रामहरी न्यौपानेले पनि प्रतिनिधिहरूसंग छलफल चलाईरहेका छन् । पुराना राप्रपा नेता सिताराम वर्तौलाको नाम पनि पाका प्रतिनिधिहरूको मुखबाट अाईरहेको छ । तर वर्तौलाले अाफु पार्टी र जनताप्रति वफादार रहेकाले पार्टीले दिएको जिम्मेवारी बहन गर्ने बताउँदै उम्मेदवारीबारे नबोल्ने बताए । हालका केन्द्रीय सदस्य एवम् निवर्तमान अध्यक्ष नवराज विष्ट अहिले चर्चामा रहेका भन्दा समन्वयकारी स्वभावका भएकाले उनले सबै कार्यकर्ताको भावना समेट्ने केही प्रतिनिधिको सुझाव छ ।

पार्टी एकिकरणपछि भएको पहिलो अधिवेशन भएकाले सबैलाई मिलाएर लैजान कार्यकर्ताको सुझाव छ । राप्रपा नेपाल सत्तामा रहँदा ईमान्दार कार्यकर्ता पाखामा परेको भन्दै एकिकरणपछि काखा र पाखाको रोग हट्नुपर्ने उनीहरूको सुझाव छ ।