प्रमुख ५ दलको बैठकमा चर्काचर्की

२७ माघ, काठमाडौं । स्थानिय तहको निर्वाचनबारे छलफल गर्न बोलाइएको प्रमुख ५ दलको बैठक विना निष्कर्ष टुंगिएको छ । विहिबार भएको बैठकमा सत्तापक्ष र प्रतिपक्षबीच चर्काचर्की भएको छ । स्थानीय तह पुर्नसंरचना आयोगको प्रतिवेदनलाई अन्तिम रुप दिन सिंहदरबारमा बोलाईएको बैठकमा निर्वाचनको मिति घोषणाबारे दुई पक्षबीच आरोपप्रत्यारोप भएको हो ।

प्रधानमन्त्री पुष्पकमल दाहाल  बैठकमा एमाले उपाध्यक्ष भिम रावलले पुर्नसंरचना आयोगको प्रतिवेदन कार्यान्वयन र निर्वाचनबारे सरकार गम्भिर नभएको बताए । प्रधानमन्त्री दाहालले असन्तुष्ट पक्षलाई सहमतिमा ल्याएर निर्वाचनको मिति घोषणा गर्ने बताए । छलफलमा उपप्रधान तथा गृहमन्त्री विमलेन्द्र निधीले संशोधन प्रस्ताव पारित नगरि निर्वाचनमा जान नसकिने अडान राखेका थिए ।

बैठकमा स्थानीय विकास मन्त्री हितराज पाण्डेले स्थानीय निकायको संरचनाबारे देखिएको समस्या समाधानका लागि छलफल आवश्यक रहेको बताएका थिए । बैठक दलले धारणा राखेपनि सहमतिका लागि भने कसैको अग्रसरता नदिएको बैठकमा सहभागी एक नेताले बताए । बैठकमा कांग्रेस, एमाले, माओवादी केन्द्र, राप्रपा र फोरम लोकतान्त्रिक लगायतका शीर्ष तहका नेता सहभागी थिए ।