मन्त्रालयले गरेको कार्यक्रममा संचारकर्मी बेखर

२९ भदौ, हेटौडा । बाल दिवस २०७५ को सन्दर्भमा सामाजिक विकास मन्त्रालयले हेटौंडामा आयोजना गरेको कार्यक्रमको बिषयमा मकवानपुरका सञ्चारकर्मी बेखबर भएका छन ।

 हेटौंडाको पल्पसा हलमा आयोजना गरिएको भनिएको कार्यक्रमको बिषयमा मकवानपुरमा क्रियाशिल  एउटा गैर सरकारी संस्थाले इमेल गरेर समाचार पठाएको छ । प्राय: गैरसरकारी संस्थाका प्रमुख प्रतिनिधि र विभिन्न बालगृह तथा विद्यालयका विद्यार्थीहरुको सहभागिता रहेको कार्यक्रमको बिषयमा जानकारी नदिएपछि मकवानपुरका सञ्चारकर्मी अचम्मित भएका छन् । यस बिषयमा पत्रकार महासंघ मकवानपुरका अध्यक्ष हरि हुमागाइँले आफैलाई पनि औपचारिक जानकारी नआएको बताए ।अध्यक्ष हुमागाईले आफु  कार्यक्रममा  एकपछिन पुगेको तर  पत्रकार महासंघ मकवानपुरलाई  कार्यक्रमको बिषयमा  औपचारीक जानकारी नदिइएको   बताए ।  यता सामाजिक विकास मन्त्रालयले भने  मकवानपुरका सञ्चारकर्मीलाई  कुनै पनि औपचारिक कार्यक्रममा खासै खबर गर्ने गरेको पाईदैन त्यसैगरी  राष्ट्रिय दिवसको अवसरमा  आयोजित कार्यक्रमको बिषयमा  संचारकर्मीहरुलाई खबर नहुनु र समाचार समेत कुनै एनजीओबाट आउँदा आफु पनि अचम्ममा परेको  महासंघ मकवानपुरका उपाध्यक्ष कुमार अधिकारीले बताए ।  .