निरीक्षक थापा बने प्रदेश ३ का उत्कृष्ट प्रहरी

 ३ फागुन, हेटौँडा । आम नागरिको मर्म भावना बुझि उत्कृष्ट काम जस्ले गर्छ,उपाधि र पुुरस्कारको भागिदार त्यही हुन्छ । 
 यसै क्रममा तीन नम्बर प्रदेश प्रहरी कार्यालय हेटौंडाले प्रदेशभरिबाट उत्कृष्ट काम गर्न एक जना प्रहरीलाई माघ महिनाको उत्कृष्ट प्रहरी घोषणा गरेको छ । 
तीन नम्बर प्रदेश प्रहरी कार्यालय हेटौंडाले घोषण गरेको उत्कृष्ट प्रहरीमा जिल्ला प्रहरी कार्यालय मकवानपुरमा कार्यरत प्रहरी निरीक्षक मधु कुमार थापा रहेका छन । जिल्लामा हुने अपराध र त्यसको नियन्त्रण तथा लागूऔषध कारोबार तथा ओसार पसार नियन्त्रण र आम जन्ताको गुनासोलाई प्रभावकारी ढङ्गबाट समाधान गर्न सफल रहेको भन्दै निरीक्षक थापालाई प्रदेशभरिबाट उत्कृष्ट प्रहरीको घोषण गरेको हो । 
प्रदेश प्रहरी कार्यालयका प्रमुख प्रहरी नायव महानिरीक्षक दिपक थापाद्वारा जारी पत्रमा उत्कृष्ट कार्य बापत उत्कृष्ट प्रहरी घोषणा गरिएको जनाइएको छ । 
उत्कृष्ट हुन सफल प्रहरी निरीक्षक थापाले विभिन्न समयमा अपराध गरी भाग्न सफल प्रतिवादी सहित पुस २५ गते हत्यागरी मारिएका संचारीकर्मी एव शिक्षक मनोहर ढकालको हत्या पत्ता लगाउन सफल भएका थिए ।
उत्कृष्ट भएसंगै प्रस्ट खबरसंग कुरा गर्दै थापाले आगामि दिन आम सर्वसाधारणको समस्यालाई महुसुस गरि अघि बढने र अपराध र त्यसको नियन्त्रण तथा लागूऔषध कारोबार तथा ओसार पसार नियन्त्रणमा कटिबद्ध भएर लाग्ने बताए । उनले  आफ्नो  मिसनका पत्रकार तथा स्थानियाले दिएको साथ सहयोगको कदर गर्दै पत्रकार तथा स्थानियालाई धन्यवाद दिए ।