मिस्टर एण्ड मिस मकवानपुरको अर्को अडिसन हुँदै

२२ मंसिर, हेटौँडा । मोडल सङ्स नेपालको आयोजनामा मकवानपुरको हेटौडामा ‘मिस्टर एण्ड मिस मकवानपुर' आईडलको अर्को अडिसन हुने भएको छ ।
हेटौडामा आयोजित प्रत्रकार सम्मेलनमा आयोजक संस्थाका कार्यक्रम व्यवस्थापक बिबेक बिक्रम शाहले प्रतियोगिताको अर्को अडिसन यहि पुस ५ र १२ गते गर्ने जानकारी दिएका हुन् । पहिलो चरणको अडिसन सम्पन्न भईसकेको बताउँदै उनले कार्यव्यवस्तताले पहिलो अडिसन दिन नभ्याएकाहरुका लागि दोस्रो पटक अडिसनको व्यवस्था गरिएको उनले बताए । 
प्रतियोगिताको बिजेताले राष्ट्रिय तथा अन्तराष्ट्रियस्तरको प्रतियोगितामा भाग लिन पाउने र ‘मकवानपुर लिटल स्टार,२०२०’ का उत्कृष्ट १० प्रतिस्पर्धीले भारतमा आयोजना हुने ‘ईन्डिया किड्स फेसन वीक’मा सहभागी हुन पाउने आयोजकले जनाएको छ । प्रतियोगिताको बिजेता साथै उत्कृष्ट क्षमता भएका प्रतिस्पर्धीलाई बिभिन्न म्युजिक भिडियो, बिज्ञापन, टेलिचलचित्र तथा वेब सिरिजहरुमा समेत सहभागी गराईने छ । 
प्रतियोगीहरुलाई सञ्चार दक्षता, उद्घोषण, पब्लिक स्पिकिङ, व्यक्तित्व विकासको कक्षा, आत्मविश्वास अभिवृद्धि गराउने कक्षा, मोटिभेसन क्लास तथा व्यक्तित्व विकास सम्बन्धि विषयमा प्रशिक्षण दिईने जनाईएको छ ।