सालक पार्कको महायज्ञमा २५ लाख रुपैयाँ संकलन

७ फागुन हेटौडा । हेटौंडा–१७ सालक पार्कमा भैरहेको श्रीमदभागवत सप्ताह ज्ञानमहायज्ञमा बुधवार सम्ममा २५ लाख रुपैयाँ आर्थिक संकलन भएको छ । चुच्चेखोला सामुदायिक वन उपभोक्ता समूहले आयोजना गरेको महायज्ञमा बुधवार मात्रै थप १६ लाख रुपैयाँ संकलन भएको हो । 
बुधवार आनन्दराम पराजुली, आकाश गोले, हरिबहादुर बस्नेत, विष्णु श्रेष्ठ र सरस्वती श्रेष्ठको समूहबाट ५ लाख ११ हजार १ सय ११, उदय विडारीबाट ४ लाख ४४ हजार ४ सय ४४ बराबरको जिन्सी सामान, रंगनाथ दाहालबाट १ लाख ८८ हजार ८ सय ८० बरावरको ईट्टा, विष्णुप्रसाद दहालबाट १ लाख ११ हजार १ सय ११, दाहाल प्रतिष्ठानबाट २६ हजार ३ सय ४०, हेटौडा उपमहानगरपालिका १७ नम्बर वडा कार्यालयबाट २५ हजार, ६ नम्बर वडा कार्यालयबाट १० हजार, बहुआयामिक आयआर्जन समूह ४ नम्बरबाट २२ हजार २ सय २२, रंगलक्ष्मी न्यौपानेबाट तुलादान मार्फत २१ हजार रुपैयाँ संकलन भएको आर्थिक उपसमितिका संयोजक राजन चौलागाईले बताए ।
यसैगरी बखानसिह पाख्रिन, रामप्रसाद पुडासैनी, उत्तम रिमाल, बद्रीप्रसाद लामिछाने, घनप्रसाद गौतम, श्रीप्रसाद न्यौपाने, सुसान्त श्रेष्ठ, लक्ष्मी धिताल, मोर्डन ईन्स्फाक्चरबाट जनही ११ हजार १ सय ११ रुपैयाँ संकलन भएको छ । सप्ताहमा विश्वमा लोपोन्मुख एवम संरक्षित सूचीमा रहेको सालक पार्कको भौतिक संरचना बनाउने प्रयोजनको निमित्त भक्तजनहरुबाट सहयोग गर्ने क्रम दिनप्रतिदिन बढ्दै गएको समूहका अध्यक्ष अर्जुन प्रसाद दाहालले बताए ।
फागुन १० गतेसम्म संचालन हुने महायज्ञमा नारी रत्न विदुषी अनुराधा शास्त्रीले कथावाचन गरिरहेकी छिन् । महाशिव रात्री र नेपाल भ्रमण वर्ष २०२० को अवसर पारी आध्यात्मिक चिन्तनद्वरा राष्ट्र, शान्ति, लोक कल्याण र  विश्वकै लापोन्मुख सुचिमा परेको सालकको संरक्षण र पार्कको विकासको लागि महायज्ञको आयोजना गरिएको हो । महायज्ञबाट करिब १ करोड संकलन हुने र करिब १५ लाख रुपैँया खर्च हुने अनुमान आयोजकले गरेको छ ।