कोरोनाबाट इटालीमा एकैदिन ६ सय २७ को मृत्यु

८ चैत, हेटौंडा । कोरोना भाइरसको संक्रमणबाट युरोपमा मात्रै मृत्यु हुनेको संख्या ५ हजार नाघेको छ । कोरोना संक्रमणको अहिलेको केन्द्र मानिएको युरोपका इटाली, जर्मनी, स्पेन र बेलायतमा भाइरसको संक्रमण र मृतकको संख्या बढिरहेको अन्तराष्ट्रिय संचारमाध्यम अलजजिराले जनाएको छ । 
शुक्रबार मात्रै इटालीमा ६ सय २७ जनाको मृत्यु भएको छ । यो संगै इटालीमा मर्नेको संख्या ४ हजार ३२ पुगेको छ । जुन चीन भन्दा बढि हो ।  चार सातादेखि संक्रमण झेलिरहेको इटालीमा शुक्रबार थप ५ हजार ९ हजार ६ सय ८६ जनामा संक्रमण देखिएको छ । भने अहिलेसम्म ४७ हजार २१ जना संक्रमित भएका छन् । स्पेनमा २ सय ६२ को मृत्यु भएको छ । शुक्रबार मात्रै इरानमा ६ सय २७, स्पेनमा २ सय ६२, इरानमा १ सय ४९, फ्रान्समा ७८, अमेरिकामा ५४, बेलायतमा ३३, नेदरल्यान्ड्समा ३०, जर्मनीमा २४, बेल्जियममा १६, स्विजरल्यान्डमा १३, दक्षिण कोरियामा ११ जनाको मृत्यु भएको छ ।
 त्यस्तै, चीनमा ७, इन्डोनेसियामा ७, स्विडेन,टर्कीमा ५/५ जना, डेनमार्क, हंगेरी, पेरु, इक्वेडरमा ३/३ जना, पोर्चुगल, अल्जेरिया, युएईमा २, ब्राजिल, इराक, ग्रिसमा ४, इजरायल, मलेसिया, पाकिस्तान, लक्जेम्बर्ग, इजिप्ट, भारत, फिलिपिन्स, ताइवान, सर्बिया, कोस्टारिका, मोरक्को र गाबोनमा १/१ जना र डायमन्ड प्रिन्सेस पानीजहाजमा १ जनाको मृत्यु भएको छ ।