आईपीएल: दिल्लीलाई हराउँदै मुम्बई क्वालिफायरमा

१६ कार्तिक, हेटौंडा । साविक विजेता मुम्बई इन्डियन्सले युएईमा जारी १३ औं संस्करणको इन्डियन प्रिमियर लिग (आईपीएल) टी-२० क्रिकेटमा दिल्ली क्यापिटल्सलाई पराजित गरेको छ ।
दुबईमा शनिबार भएको खेलमा मुम्बईले दिल्लीलाई ९ विकेटले पराजित गरेको हो ।
दुबई अन्तराष्ट्रिय क्रिकेट स्टेडियममा दिल्लीले दिएको १ सय ११ रनको लक्ष्य मुम्बईले १४ ओभर २ बलमा मात्र १ विकेट गुमाएर पुरा गर्यो ।
मुम्बईको जितमा इशान किशनले अविजित रहदै ७२ रनको अर्धशतकीय इनिङ्स खेले । यस्तै क्विन्टन डी ककले २६ रन जोड्दा सूर्यकुमार यादब १२ रनमा अविजि रहे । दिल्लीका एनरिच नोर्टजेले एक विकेट लिए ।
यस अघि टस हारेर पहिले ब्याटिङ गरेको दिल्लीले २० ओभरमा ९ विकेट गुमाएर १ सय १० रन बनाएको थियो ।
खराब ब्याटिङ गरेको दिल्लीका लागि कप्तान श्रेयस एयरले २५, ऋषब पन्तले २१, कागिसो राबडा १२, रविचन्द्र आश्विनले १२, शिम्रन हिटमायरले ११, पृथ्वी शले १० र प्रविन डुबे ७ रन बनाए ।
दिल्लीलाई सस्तैमा समेट्ने क्रममा मुम्बईका जस्प्रित बुम्राह र ट्रेन्ट बोल्टले समान ३/३ विकेट लिए भने राहुल चाहर र नाथन कल्टरले १/१ विकेट लिए ।
जितसँगै मुम्बईले तालिकाको शीर्ष दुईमा आफ्नो स्थान पक्का गरेको छ ।  र, मुम्बई क्वालिफायरमा प्रवेश गरेको छ  ।