बिजुलीमाया वनः श्रेष्ठ राष्ट्रिय सङ्गीत पुरस्कार गायिका दाबा ग्ल्याल्मोलाई

१५ पुस, हेटौंडा । भिम विराग प्रतिष्ठानले प्रदान गर्ने बिजुलीमाया वनः श्रेष्ठ राष्ट्रिय सङ्गीत पुरस्कार यसबर्ष भारतको दाजर्लिङ निवासी वरिष्ठ गायिका दाबा ग्ल्याल्मोलाई प्रदान गरीने भएको छ ।हेटौँडाका व्यवसायी कन्हैयाकृष्ण श्रेष्ठले आफ्नी ममतामयी आमाको नाममा स्थापना गरेको यो पुरस्कार प्राप्त गर्ने ग्याल्मो तेस्रो दार्जलिङ निवासी ब्यक्तित्व बनेकी छन् ।

बुधबार हेटौडामा आयोजित पत्रकार सम्मेलन मार्फत प्रतिष्ठानले यो बर्षको पुरस्कार घोषणा गरेको हो ।२०६४ सालमा स्थापना भएको नगद १ लाख राशिको यो पुरस्कार यस वर्ष दाजर्लिङ निवासी ग्ल्याल्मोलाई प्रदान गरीने भएको हो । 

यसअघि यो पुरस्कारबाट बरिष्ठ संगीतकार अम्बर गुरुङ, प्रेमध्वज प्रधान, भक्तराज आचार्य, शान्ति ठटाल, लगायतका श्रष्टा सम्मानित भईसकेका छन् ।गत बर्ष कोरोना भाईरसका कारण र २०७५ मा प्रबिधिक कारणले पुरस्कार बितरण गर्न नसकिएको प्रतिष्ठानका अध्यक्ष हयग्रीव आचार्यले जानकारी दिए । यो बर्षको पुरस्कार आगामी माघ १७ गते शनिवारका दिन प्रदान गरिने छ । 

यसैगरी यसै बर्षदेखी प्रतिष्ठानले पहिलोपटक २० हजार राशिको भीम विराग सङ्गीत युवा पुरस्कार २०७७ दक्षिण एसियाकै पहिलो महिलाहरूको साङ्गीतिक समूह हार्मोनीः महिला गायन समूह पोखरालाई प्रदान गर्ने भएको छ ।