काफ्ले र न्यौपाने बरिष्ठ अधिवक्ता

२८ साउन, हेटौँडा । मकवानपुरमा वकालत गर्दै आएका अधिवक्ता केशव काफ्ले  र सूर्यचन्द्र न्यौपाने बरिष्ठ अधिवक्ता भएका छन् । सर्वोच्च अदालतको साउन २५ गतेको पूर्ण बैठकले काफ्ले र न्यौपानेलाई बरिष्ठ अधिवक्ताको उपाधी दिएको हो । नेपाल कानून व्यवसायी परिषद ऐन २०५० को दफा २१ बमोजिम बरिष्ठ अधिवक्ता उपाधी प्रदान गरेको सर्वोच्चद्वारा शुक्रबार जारी सूचनामा उल्लेख छ । रौतहट चपुर स्थायी ठेगाना भई हेटौँडाको कर्रामा बस्दै आएका काफ्ले प्रजातान्त्रिक कानून व्यवसायी संघ (डिएलए) का केन्द्रीय उपाध्यक्ष हुन् । उनले २०३७ असार १७ गते ७९८ नम्बरको प्रमाणपत्र लिएर वकालतमा लागेका थिए ।
बरिष्ठ अधिवक्ता उपाधी पाएका न्यौपाने नेपाल रेडक्रस सोसाईटी मकवानपुरका अध्यक्ष हुन् । तनहुँको स्याम्पा स्थायी ठेगाना भएका न्यौपानेले २०४३ साउन १५ गते १५०० नम्बर प्रमाणपत्र लिका थिए । अधिवक्ता रामनारायण विडारी पनि बरिष्ठ अधिवक्ता भएका छन् । अहिले सांसद समेत रहेका २०४७ साल चैत ७ गते २३७२ प्रमाणपत्र नम्बर प्राप्त गरी वकालत थालेका थिए ।

साउन २५ गतेको निर्णय अनुसार मकवानपुरमा कार्यरत एकराज बास्तोला, गणेश दाहालसहित आधा दर्जन कानून व्यवसायी बरिष्ठ अधिवक्ता भएका छन् ।