मकवानपुर गोल्डकप: विजय युथ क्लव अन्तिम ४ मा प्रवेश

२६ जेठ, हेटौंडा । हेटौंडाको पिप्ले क्याम्पा रङ्गशालामा  जारी चौथो सहिद स्मृती स्थानीय तह अन्तराष्ट्रिय मकवानपुर गोल्डकप फुटबल प्रतियोगिता घरेलु टोली विजय युथ क्लब सेमिफाइनलमा प्रवेश गरेको छ । 
बुधबार निर्धारण गरिएको खेल अविरल बर्षाका कारण स्थगित गरेर बिहीबार बिहान खेलाइएको थियो । बिहिबार बिहान भएको खेलमा नवजनजागृती युवा क्लव सिमरालाई पराजित गर्दै घरेलु टोली विजय युथ क्लबले अन्तिम चारमा स्थान बनाएको हो ।

खेलको पहिलो हाफमा गोल रहित बराबरी सकिएपनि दोस्रो हाफको ९ औँ मिनेटमा विजय युथ क्लबले अग्रता लिएको थियो । क्लबलाई अग्रता दिलाउन विजयी थुयका अमिर श्रेष्ठले पहिलो गोल गरेका थिए । दोस्रो हाफको १९ औँ मिनेटमा विजयी युथका सञ्जोग राईले  दोस्रो गोल गर्दै टिमलाई २–० गोलको अग्रता दिलाएका थिए । त्यसैगरी दोस्रो हाफको  थप अतिरक्त समयमा सुनिल घलानले गोल गर्दै ३ का सुन्य गोल अन्तरले घरेलु टोली अन्तिम ४ मा पर्न सफल भएको हो ।

उक्त खेलको म्यान अफ द म्याच विजय युथका सुनिल घलान भए उनले नगद १० हजार हात पारेका छन् । त्यस्तै शुक्रबार दिउँसो काठमाडौंको चर्च ब्वाईज क्लव र क्याम्रुनी एभिनियर क्लवबिच खेल हुने आयोजकले जनाएको छ ।