हेटौंडा-७ स्तरीय खसी कप भिआइपीलाई

१२ असोज,हेटौंडा। हेटौंडा-७ नागस्वतीमा जारी ७ नम्बर टोल स्तरीय खसी कपको उपाधि नव ज्योती (भिआइपी) टोलले हात पारेको छ।शनिबार सम्पन्न अग्राठे र भिआइपी टोल  बिचको फाइनल खेलमा *भिआइपीले  खसी कपको उपाधि हात पारेको हो। 
अग्राठे र  भिआइपी बीचको पहिलो हाफ र दोस्रो हाफ  १।१ को बराबरीमा टुङ्गिएपछी खेल ट्राइबेकरमा धकेलिइएको थियो।ट्राइबेकारमा  भिआइपी ले अग्राठेलाई ७ विरुद्ध ६ गोल अन्तरले पराजित गरेको हो। 
वडा दशैको अवसरमा न्युरेनी फुटबल टिमको आयोजनमा २६ औ टोल स्तरीय खसी कपमा वडा भित्रका ८ वटा फुटबल टिमको सहभागि रहेको थियो। प्रतियोगिताको विजयी बनेसँगै भिआइपी टोलले ३५  किलोको खसी,ट्रफी मेडल र प्रमाणपत्र प्राप्त गरेको छ भने उप विजेता वनेको अग्राठे टोलले ३० किलोको खसीमा चित्त बुझाएको छ। 
न्युरेनी चिसापानी फुटबल क्लबका अध्यक्ष विजय गौतमको सभाध्यतामा सम्पन्न कार्यक्रमको प्रमुख अतिथी मकवानपुर प्रहरी प्रमुख प्रहरी उपरीक्षक बामदेव गौतम रहेका थिए। समापन कार्यक्रमको विशेष अतिथी वडा नम्बर ७ का वडाध्यक्ष दामोदर गौतम रहेका थिए। 

प्रतियोगिताको समापन कार्यक्रममा पत्रकार महासंघ मकवानपुर अध्यक्ष मणिराज गौतम, ७ नम्बर वडा सदस्यहरु सन्तुमाया पाख्रिन,श्यामसुन्दर परियार,राधिका विक,दिनेश थापामगर,नव ज्योती माध्यमिक विद्यालय व्यवस्थापन समिति अध्यक्ष कृष्ण थापा,रोहीणी हाउजिन प्रा लिका प्रोप्राइटर धुव्र घिमिरे,एन्फा मकवानपुर सदस्य राम केसी,युवा समाजसेवी धन थापामगर,विभिन्न टोल विकास संस्थाका प्रतिनिधीहरुको उपस्थिती रहेको थियो। 
प्रतियोगितामा विजेता र उपविजेता बनेका टिमलाई वडाध्यक्ष गौतम तथा वडासदस्यहरुले पुरस्कार र प्रमाणपत्र वितरण गरेका थिए। प्रतियोगिता अविधीभर खेलमा सहयोग गर्ने विभिन्न व्यक्ति तथा संघ संस्थालाई सम्मानपत्र प्रदान गरिएको थियो।

* प्राविधिक समस्याले गर्दा फोटो र नाम फरक पर्न गएकोमा क्षमाप्रार्थी- सम्पादक