प्रदेश खेलकुदः पुरुष क्रिकेटमा चितवनलाई स्वर्ण

१३ जेठ, हेटौंडा । दोस्रो बागमती प्रदेश खेलकुद प्रतियोगिता अन्तर्गत शुक्रबार सम्पन्न पुरुष र महिला क्रिकेट प्रतियोगितामा क्रमशः चितवन र काठमाडौंले उपाधि जितेका छन् । 
चितवनस्थित गौतम बुद्ध क्रिकेट मैदानमा शुक्रबार सम्पन्न फाइनलमा ललितपुरविरुद्ध ३६ रनको जित निकाल्दै चितवनले पुरुष तर्फको स्वर्ण पदक जितेको हो । 
निर्धारित २० ओभरमा १६७ रनको लक्ष्य पछ्याएको ललितपुरले आठ विकेट गुमाउँदै १३० रन मात्रै बनाएपछि चिवतनले सहज जित निकालेको हो । 
ललितपुरका लागी विवेक रानामगर २७ रनमा नटआउट रहँदा ओपनर आशुतोष घिरैया २५ रन, रोनिम तिवारीले १६ रन र आरस तामाङले १४ रन बनाउँनुबाहेक अन्य खेलाडीले दोहोरो अंकमा रन बनाउँन सकेनन् । चितवनका लागी दिवस आचार्यले ५, दीपेश श्रेष्ठले २ तथा गौतम केसीले एक विकेट लिए । 
त्यसअघि टस जितेर पहिले ब्याटिङ गरेको चितवनले निर्धारित २० ओभरमा सात विकेट गुमाउँदै १६६ रन बनाएको थियो । ललितपुरका लागी गौतम केसीले ३६, पाल्देनले ३४, जेनिस र प्रतीक श्रेष्ठले समान ३२÷३२ रनको योगदान दिए ।
ललितपुरका ओपनर साकार ढकाल ४ र सन्तोष न्यौपाने १ रनमा आउट भएका थिए । ललितपुरका प्रसिद्धले ३ विकेट लिँदा विवेक रानामगरले दुई तथा युनिस थापा र आदिल खानले समान एक÷एक विकेट लिए । 
प्रतियोगितामा काठमाडौंका इसान पाण्डे प्लेयर अफ दी सिरिज हुँदा काठमाडौंकै मनोज यादव उत्कृष्ट बलर र चितवनका प्रतीक श्रेष्ठ उत्कृष्ट ब्याटर घोषित भए ।