काँग्रेस बाग्मती गाउँपालिकाको क्रियाशिल भेला

३ चैत, हेटौंडा । नेपाली काँग्रेस मकवानपुरको क्षेत्र नम्बर १ स्थित बाग्मती गाउँपालिकाको शनिबार क्रियाशिल भेला भएको छ ।
साविक फापरवारी गाविस सभापति भक्तबहादुर राईको सभाध्यक्षता एवं काँग्रेस मकवानपुरका सभापति, पूर्व गृहराज्यमन्त्री एवं काँग्रेस ३ नम्बर प्रदेशका प्रमूख प्रतिपक्ष दलका नेता ईन्द्रबहादुर बानियाँको प्रमूख आतिथ्यतामा क्रियाशिल भेला भएको हो ।
भेलाले फणिन्द्र कुमार तिमल्सिनाको सभापतित्वमा ३१ सदस्यीय नेपाली काँग्रेस बाग्मती गाउँपालिकास्तरीय तदर्थ समिति गठन गरेको छ । त्यस्तै निरन्जन राईको अध्यक्षतामा २५ सदस्यीय तरुण दल र अप्सरा लोप्चनको अध्यक्षतामा १७ सदस्यीय बाग्मती गाउँपालिकास्तरीय महिला संघ तदर्थ समितिसमेत निर्माण गरिएको छ ।
क्रियाशिल भेलामा प्रमूख अतिथि बानियाँ, विशेष अतिथि काँग्रेस मकवानपुरका निवर्तमान सभापति रघुरमण न्यौपाने, जिल्ला कोषाध्यक्ष गोपीलाल विश्वकर्मा, जिल्ला सदस्यहरु  रामबाबु बानियाँ, कृष्णप्रसाद दाहाल, चोकबहादुर ठाडा, शेरबहादुर लामा, १ नम्बर क्षेत्रीय सभापति दामोदर खनाल, प्रदेश सभाका प्रत्यक्ष उम्मेदवार धर्म लामिछाने, महाधिबेशन प्रतिनिधि चन्द्रकुमार राई, मानबहादुर पाटा, पूर्व महाधिबेशन प्रतिनिधि तुल्सी लामिछाने, साविक छतिवन गाविस सभापति भूमिनन्द गौतमलगायतले मन्तव्य व्यक्त गरेका थिए ।