राष्ट्रपति रनिङ शिल्डको नगर छनौट सकियो

२३ जेठ, हेटौँडा । नवौं राष्ट्रपति रनिङशिल्ड अन्तर्गत हेटौडा उपमहानगरपालिका स्तरीय छनौटमा ५ खेलमा खेलाडि छनौट भएका छन् । हेटौँडाको हुप्रचौरमा दुईदिनसम्म चलेको छनौटमा पाँच खेलमा खेलाडि छनौट गरिएको हो ।
छनौटमा छात्र भलिवलमा वंशगोपाल मावि चौघडा, छात्रा भलिवलमा श्रीकृष्ण इंग्लिस वोडिङ मावि, छात्र कबड्डीमा बालजागृति युवा वर्ष मावि, छात्रा कबड्डीमा भृकुटी मावि उत्तरपानी छनौट भएका जिल्ला खेलकुद विकास समितिले जनाएको छ । रिले तर्फ महेन्द्र किरण वसामाढी र वालवोध मावि हटिया तथा बालज्योती मावि पीप्ले र वंशगोपाल मावि चौघडा छनौट भएका छन्।
तेक्वान्दोमा ४५ केजीमा चन्द्रोदय माविका विश्वराज खडका,४८ केजीमा सोलिड्यारीटीका विप्लव वाईवा र ५१ केजीमा वालज्योति माविका कृष्ण वाहादुर वाईवा छनौट भएका छन् । यसै गरि छात्रा तर्फ ४४ केजीमा सिदार्थ माविकी सुता तामाङ,४६केजीमा कुशुम अधिकारी त्रिभुवन मावि र ४२ केजीमा जिनुका यादव ज्ञानोदय मावि छनौट भएका छन् ।
छनौट अन्तरगत सितेरियो करातेको ४२ केजी तौल समुहमा भुटनदेवी माविका सुमन वाईवा, ५० केजीमा बालउज्जल मावि लेवटका रोशनी थापा,४५ केजीमा  शिक्षा विकास शिशुसदनकी सृष्टि घलान, ४० केजी तौल समुहमा आधुनिक राष्ट्रिय माविकी निकिता पाठक,, ५२ केजीमा महेन्द्र करिण माविका अभिषेक बल लामा र ४७ केजी तौल समुहमा महेन्द्र किरण माविका अनुज लामा छनौट भएका छन् ।