अजिता हत्या : प्रहरी केन्द्रीय टोलीसहितको अनुसन्धान सकारात्मक

२० माघ, हेटौंडा । हेटौंडा–११ की अजिता भुजेलको हत्या प्रकरणको अनुसन्धानका लागि काठमाडौंबाट आएको प्रहरी टोलीसहितको अनुसन्धान सकारात्मक दिशामा रहेको प्रहरीको भनाई छ । घटनाको अनुसन्धानमा मकवानपुर प्रहरीलाई सघाउन आएको अपराध महाशाखाको टोलीसहितको अनुसन्धान सकारात्मक दिशामा रहेको प्रहरी स्रोतको दावि छ ।
प्रहरी केन्द्रीय स्रोतका अनुसार अनुसन्धान सकारात्मक ढंगबाट अघि बढेको र छिटै नतिजा नजिक पुग्नेछ । ‘सबै ढंगबाट गहिरो अनुसन्धान गरिरहेको टोलीले छिटै नतिजा बाहिर ल्याउने छ ।’–प्रहरी उच्च स्रोतले भन्यो । उनका अनुसार घटनाको अनुसन्धानका लागि दर्जन बढिसंग सोधपुछसहित प्रविधिको समेत प्रयोग गरिएको छ । तर घटना भएको १७ दिन हुँदा समेत कुनै जानकारी बाहिर नदिएकाले प्रहरीको अनुसन्धानमाथि आशंका गरिरहेका बेला ति सुरक्षा अधिकारी नतिजा छिटै बाहिर आउने दावि गर्दछन् । 
‘काठमाडौंबाट गएको टोली र मकवानपुर प्रहरीको टोलीले सुक्ष्म अनुसन्धान गरिरहेकाले नतिजा छिटै आउनेमा सर्वसाधारण आश्वस्त हुनु आवश्यक छ ।’ धेरै विषय बाहिर ल्याउँदा अनुसन्धान प्रभावित हुने भन्दै उनले अनुसन्धान कुन अवस्थामा छ भन्ने बारे भने खुलाएनन् । यता, मकवानपुर प्रहरीले भने अनुसन्धान निष्कर्षमा पुगेपछि पत्रकार सम्मेलन गरेर सार्वजनिक गर्ने भन्दै प्रतिक्रिया दिएको छैन । 
माघ ४ गते विहान अजिताको शव हेटौंडा-५ क्याम्पाडाँडास्थित कान्तिलोकपथमा फेला परेको थियो । त्यसयता, मकवानपुर प्रहरीले दर्जन बढिसंग सोधपुछ गरेको छ भने केहीलाई हिरासतमा राखेर समेत अनुसन्धान थालेको थियो । प्रहरीले कल डिटेल, सिसिटिभि फुटेज, अजितासंग नियमित सम्पर्कमा रहेका व्यक्ति, सवारी साधनको निगरानी लगायत विभिन्न ढंगबाट अनुसन्धान गरेको जनाईएको छ ।

यो पनि पढ्नुस्
हेटौँडाको क्याम्पाडाँडामा तेस्रो लिंगीको शव फेला,      अपडेटः क्याम्पाडाँडामा भेटिएको शव तेस्रो लिंगी भुजेलको (तस्बिरहरु),       अजिताको शव जाँचका लागि काठमाडौं पठाईयो,     अजिता भुजेल हत्या प्रकरणमा कम्तिमा २ पक्राउ,    अजिता हत्या प्रकरण अनुसन्धान गर्न काठमाडौंबाट टोली आउँदै