मकवानपुरमा माछामासु बिक्री ठप्प हुने

२२ असार, हेटौँडा । मकवानपुरमा सोमबारबाट माछामासु बिक्री ठप्प हुने भएको छ ।

मकवानपुर माछा मासु ब्यवसायीले हेटौँडासहित मकवानपुर भर माछामासु बिक्री ठप्प पार्ने भएका हुन् । आइतबार हेटौँडामा माछामासु ब्यवसायी संघ मकवानपुर तथा हेटौँडा मासु ब्यवसायी संघले संयुक्त पत्रकार सम्मेलन गरी यस्तो जानकारी गराएका हुन । पत्रकार सम्मेलनमा मकवानपुर माछामासु ब्यवसायी संघका अध्यक्ष शान्तकी खड्गीले जेठ ३० गते हेटौँडामा बसेको व्यवसायीहरुको संयुक्त बैठकले असार १ गतेबाट मासुमा प्रति किलो १०० रुपैया बृद्धी गरेकोमा १७ दिन पछि जिल्ला प्रशासन कार्यालय र उपभोक्ता मञ्चले मुल्यबृद्धि प्रति आक्षेप लगाएकोले बाध्य भएर अश्चितकालीन माछामासु बिक्री वितरण ठप्प गर्ने निर्णय गरेको बताए । उनले छिमेकी जिल्लासहित काठमाडौँमा प्रति किलो १ हजार देखी १ हजार २ सय सम्म मुल्यबृद्धी गरेकोमा मकवानपुरमा प्रति किलो १०० रुपैया बढाएर ९ सय पुर्याएको बताए । संघमा उपाध्यक्ष बिनोद शाहीले खसीको मुल्य बढेकोले बाध्य भएर मृल्यबृद्धि गरेको बताउँदै उपभोक्ता हित संरक्षण मञ्चका अध्यक्ष बासु खतिवडाले माछा मासु व्यवसायीलाई अपमान गरेको समेत बताए । माछामासु ब्यवसायी संघ मकवानपुर तथा हेटौँडा मासु ब्यवसायी संघले माछामासु बिक्री विटरण ठप्प पार्ने भएसंगै हेटौँडा बजारमा माछामासुको अभाव हुने देखिएको छ ।