समृद्धिको वितरण तल्लो तहसम्म पुग्नुपर्छ : मन्त्री नेपाल

२३ मंसिर, हेटौंडा । ३ नम्बर प्रदेशका उद्योग, पर्यटन, वन तथा वातावरण मन्त्री अरुण नेपालले समृद्धिको वितरण तल्लो तहसम्म पुग्नुपर्ने बताएका छन् ।
कृषि तथा वन विश्वविद्यालय चितवनको सहकार्यमा संयुक्त राष्ट्रसंघीय विकास कार्यक्रम (युएनडिपि) ले हेटौँडामा मंगलबार आयोजना गरेको मानव विकास प्रतिवेदन–२०१९ सार्वजनिक कार्यक्रममा बोल्दै मन्त्री नेपालले समृद्धि हासिल गरेर मात्रै नहुने र यसको विवतरण तल्लो तहसम्म पुग्नुपर्ने बताए । उनले समृद्धिको न्यायपूर्ण वितरण नभए शान्ति नआउने दावि गर्दै पछि परेकाहरुलाई समृद्धिको लाभ हासिल हुनुपर्नेमा जोड दिए ।
कार्यक्रममा युएनडिपिका संचारप्रमुख कमलराज सिग्देलले प्रतिवेदनको प्रस्तुति दिएका थिए । ३ नम्बर प्रदेश आर्थिक मामिला तथा योजना मन्त्रालयका सचिव डा. मुकुन्दप्रसाद पौडेल, नेपाल पत्रकार महासंघ ३ नम्बर प्रदेश अध्यक्ष प्रताप विष्ट, कृषि तथा वन विश्वविद्यालयका डिन मनराज कलाक्षपति, सहायक डिन डा. कल्याणी मिश्र, प्राध्यापक डा. बलराम भट्ट, मकवानपुर बहुमुखी क्याम्पसका प्रमुख डा. शंकर उपाध्याय र कृषि तथा वन विश्वविद्यालयकी विद्यार्थी कामना पराजुलीले नेपालमा विकासको आयामबारे धारणा राखेका थिए ।
प्रतिवेदनका अनुसार नेपाल १४७ औं स्थानमा रहेको छ । नेपालको मानव विकास सुचाकांक मूल्य सन् २०१८ का लागि ०.५७९ रहेको छ । सन् १९९० देखि २०१८ सम्ममा नेपालको मानव विकास सुचकांक मूल्य ०.३८० देखि ०.५७९ बृद्धि भएको थियो । यो अवधिमा नेपालमा जन्मदरको औषध आयु १६.१, विद्यालय शिक्षाको मध्यम बर्ष २.८ र विद्यालय शिक्षाको अपेक्षित बर्ष ४.७ बर्षले बृद्धि भएको प्रतिवेदनमा उल्लेख छ । 
प्रतिवेदनले एसिया प्रशान्त क्षेत्रमा मानव विकासमा उल्लेख्य सुधारभएपनि त्यो सुधार असन्तुलित रहेको उल्लेख गरेको छ ।