अपडेट:सिस्नेरी दुर्घटनामा घाइते थप दुईको मृत्यु

११पुस, हेटौंडा।भिमफेदी कुलेखानी सिस्नेरी सडक खण्ड अन्तर्गत इन्द्रसरोवर ३ अोखरडाँडामा भएको सुमो दुर्घटनामा घाइते ६ जना मध्ये थप २ जनाको मृत्यु भएको छ। थप २ जनाको मृत्यु भएसँगै मुत्यु  हुनेको संख्या ५ पुगेको छ।

मुत्यु हुनेमा घाइते भएका ६ जना मध्ये अन्दाजी ३०/३५ बर्षका देखिने पुरुष रहेको र उनको मनमोहन अस्पतालमा उपचारको क्रममा र रौतहट चन्द्रपुर बस्ने ३०/३५ बर्षीय सृजना बिकको बल्खु स्थित बयोधा अस्पतलामा मुत्यु भएको जिल्ला प्रहरी कार्यालय मकवानपुरका निमित्त प्रहरी प्रमुख प्रहरी निरीक्षक ललन प्रसाद कुर्मीले जानकारी दिएका छन्।

दुर्घटनामा घाइते ४ जनामा सुमो चालक हेटौंडा १७ निवासी २८ वर्षका अनिल बिक , सर्लाही बागमती नगरपालिक३ बस्ने २७ बर्षीय रंजित रिजाल, रौतहट बस्ने अन्दाजी ६५ बर्षीय एक पुरुष र नाम थर नखुलेको एक पुरुषको रहेको र उनिहरूको बयोधा र मेडिसिटि अस्पताल उपचार भइरहेको प्रहरीले जनाएको छ।  रौतहटको चन्द्रपुरबाट  काठमाडौं तर्फ जाँदै गरेको ना १ ज ३४३३ नम्बरको  शिखरापुर यातायातको सुमो उक्त स्थानमा दुर्घटना भएको थियो। घटनास्थलमै मृत्यु भएका ३ जनामा एक महिला र २ पुरुष रहेको उनिहरू मध्ये रौतहट चन्द्रपुुुरका अन्दाजी २१/२२ बर्षीय मनिष बिकको मात्र पहिचान खुलेपनि अन्य २को पहिचान नखुलेको प्रहरीले जनाएको छ।