माअोवादी केन्द्र महनरी-७ मा रूम्बा

१२ फागुन, हेटौंडा । नेकपा माओवादी केन्द्र मकवानपुरको मनहरी गाउँपालिका अन्तर्गत वडा नम्बर ७ झुलानमा विहिबार वडा भेला भएको छ ।

वडा अध्यक्ष हीरालाल स्याङतानको अध्यक्षतामा भएको भेलामा पार्टी पोलिट्व्यूरो सदस्य तथा मकवानपुर जिल्ला इन्चार्ज कुमारी मोक्तानको प्रमुख आतिथ्यता रहेको थियो । विहीबार भएको भेलाले आदेश रुम्बाबाको अध्यक्षतामा २१ सदस्यीय नयाँ कमिटी गठन भएको छ ।

कमिटीको उपाध्यक्षमा  हिरामान बल, सचिव चन्द्रकुमार थिङ, सहसचिव रविन्द्र लामा, कोषाध्यक्ष सुकुमाया डिम्डुङ रहेको पार्टी प्रचार विभाग प्रमुख कमान सिं पाख्रिन ‘पृथक’ ले जानकारी दिए । कार्यक्रममा प्रमुख अतिथि रहेका मोक्तानले देश माओवादीको मिसनमा चलिरहेकोले अबको स्थानिय निकायको चुनावमा ढुक्क भएर अघि बढ्न आग्रह गरीन् । देश र जनताको अवस्था माओवादीकै नेतृत्वमा फेरीने भएकोले अबको चुनावमा माओवादीले  जित्नुको विकल्प नरहेको मोक्तानले बताइन् ।

कार्यक्रममा पार्टी गाउँपालिका इन्चार्ज रामहरी सुवेदी, केन्द्रीय महाधिवेशन आयोजक समिति सदस्य बालकुमार मल्ल, रामप्रसाद कालाखेति, जिल्ला आयोजक समिति सदस्य केशव सुवेदी, सञ्जिव पाठक, तेजराज पाण्डे, गोपाल पौडेललगायतको आतिथ्यता रहेको थियो ।