नक्कली प्रमाणपत्र पेश गरेर जागिर खाने शिक्षकलाई मुद्धा

१८ पुस, काठमाडौं । अख्तियार दुरुपयोग अनुसन्धान आयोगले नक्‍कली शैक्षिक प्रमाणपत्र पेश गरी जागिर खाने शिक्षक ज्ञानु रायमाझीविरुद्ध भ्रष्टाचार मुद्दा दर्ता दायर गरेको छ ।
प्राथमिक विद्यालय सुनडाँडा भद्रकाली सिन्धुलीमा कार्यरत शिक्षक रायमाझीले कक्षा ५ मात्र पास गरेको र शिक्षा सेवा आयोगको परीक्षामा पहिलो नं।मा पास गराएको भन्ने उजुरीका आधारमा अनुसन्धान गर्दा नक्‍कली शैक्षिक प्रमाण पत्र पेश गरी जागिर खाएको पाइएकाले उनीविरुद्ध बिहीबार मुद्दा दायर गरिएको अख्तियारका प्रवक्ता प्रदिपकुमार कोइरालाले जानकारी दिए । यो समाचार अन्नपूर्ण पोष्टमा छ ।
रायमाझीले विहार विद्यालय परीक्षा समिति पटना १७ बाट जारी गरिएको हाइस्कुल तहको झुठा नक्‍कली शैक्षिक योग्यताको प्रमाणपत्र पेश गरी २०५४/०५/१४ गते प्राथमिक शिक्षक (तृतीय) श्रेणीमा अस्थायी नियुक्ति र २०६३/०४/३० मा प्राथमिक शिक्षक (तृतीय) श्रेणीमा स्थायी नियुक्ति लिएको पाइएको छ।
सरकारी लाभ सुविधा लिएको पुष्टि हुन आएको हुँदा उनीविरुद्ध भ्रष्टाचार निवारण ऐेन २०१७ को दफा १२ तथा प्रचलित भ्रष्टचार निवारण ऐेन २०५९ को दफा १६ को उपदफा ९१० बमोजिमको कसुर गरेको हुँदा शिक्षकविरुद्ध साविक भ्रष्टाचार निवारण ऐेन २०१७ को दफा १२ र दफा २९ को उपदफा ९२० तथा प्रचलित भ्रष्टचार निवारण ऐेन २०५९ को दफा १६ को उपदफा ९१० बमोजिम सजाय हुन मागदावीसहित मुद्दा दायर गरेको प्रवक्ता कोइरालाले जनाए ।