नारायणकाजीसहित यी हुने भए नेकपा राष्ट्रियसभा उम्मेदवार

१८ पुस, काठमाडौं । नेपाल कम्युनिष्ट पार्टी (नेकपा) ले राष्ट्रियसभाका लागि उम्मेदवारहरुको नाम टुंगो लगाएको छ । शुक्रबार विहान बसेको सचिवालय बैठकले राष्ट्रिय सभा सदस्यको उम्मेदवारको रुपमा प्रवक्ता नारायणकाजी श्रेष्ठसहितको नाम टुंगो लगाएको हो । प्रवक्ता श्रेष्ठका अनुसार बैठकले १६ जना उम्मेदवारको टुंगो लगाएको छ ।
यस्तो छ नाम 
प्रदेश १ – इन्दु गौतम (महिला), गोपी अछामी (दलित) र देवेन्द्र दाहाल (अन्य)
प्रदेश २ – तुलसा दाहाल (महिला) र राधेश्याम पासवान (दलित)
प्रदेश ३ – गंगा बेलबासे (महिला) र बेदुराम भुसाल (अन्य)
गण्डकी प्रदेश – भगवती न्यौपाने (महिला) र नारायणकाजी श्रेष्ठ (अन्य)
प्रदेश ५ – विमला घिमिरे (महिला), जगप्रसाद शर्मा (अपाङ्ग तथा अल्पसंख्यक) र गोपाल भट्टराई (अन्य)
कर्णाली प्रदेश – सुमिज्ञा विसी (महिला) र मायाप्रसाद शर्मा (अन्य)
सुदूरपश्चिम प्रदेश – शारदा भट्ट (महिला र तारामान स्वाँर (अन्य)
पार्टीले तय गरेका उम्मेदवारहरुले पुस २० गते मनोनयन दर्ता गराउने छन् । यसअघिका बैठकमा नेताहरुको अडानका कारण राष्ट्रिय सभाको उम्मेदवारको टुंगो लाग्न सकेको थिए । नेकपाले सभामुखको नाम टुंगो लगाउन अझै बाँकी छ ।