मकवानपुरे पत्रकारहरुमा चुनावी रस्साकस्सी

१५ फागुन, हेटौँडा । नेपाल पत्रकार महासंघ मकवानपुरको अधिवेशन नजिकिंदै गर्दा पत्रकारहरुमा चुनावी रस्साकस्सी शुरु भएको छ । फागुन १७ गते हुने अधिवेशनबाट नेतृत्व लिनका लागि पत्रकारका पेशागत संगठनले आफ्नो तयारीलाई तिब्रता दिएका छन् । 
महासंघको नयाँ नेतृत्वका लागि प्रेस युनियनले अहिलेसम्म आफ्नो उम्मेदवारी सार्वजनिक गरेको छैन । शनिबार दिनभर चलेको छलफलबाट युनियनले महासंघमा पठाउने आप्mनो उम्मेदवार तयार गरिसकेपनि सार्वजनिक भने गरेको छैन । युनियनले यसअघि सविन न्यौपानेलाई अध्यक्षको उम्मेदवारको रुपमा घोषणा गरेपनि निर्वाचन कार्यविधि परिवर्तन भएपछि पुनः छलफल गरी नेतृत्वबारे आन्तरिक ढंगबाट मात्रै तयारी गरेको जनाईएको छ ।
प्रेस चौतारीले अध्यक्षको उम्मदवारको रुपमा पत्रकार हरि हुमागाईलाई प्रस्तुत गरेको छ । हुमागाई आफ्नो पक्षमा माहोल बनाउने दौडमा जुटेका छन् । इमान्दार पत्रकारको छवि बनाएका हुमागाई जिल्लामा परिचित व्यक्तित्व हुन् । 
प्रेस सेन्टरले आफ्नो अध्यक्षको उम्मेदवारको रुपमा नानीमैया विष्टलाई प्रस्तुत गरेको छ । उनी पनि आफ्नो पक्षमा मतदाताहरुलाई समेट्न लागि परेकी छिन् । दशकदेखि पत्रकारितामा सक्रिय विष्ट पनि पत्रकारमात्र इमान्दार व्यक्तित्वको रुपमा परिचित छिन् । वर्तमान उपाध्यक्ष गिरिजा अधिकारीले पनि आफुलाई अध्यक्षको आकांक्षीको रुपमा प्रस्तुत गरेका छन् । उनी कुन संगठनको सहयोगमा उम्मेदवारी दिने हुन् वा स्वतन्त्र ढंगबाट आउने हुन् त्यो खुल्न सकेको छैन । एनपिआई टपर उनको आकांक्षालाई पत्रकारहरुले स्वभाविक मानेका छन् ।
नेतृत्व लिन गठबन्धनको प्रयास
पत्रकाहरुको साझा एवं अभिभावक संस्था नेपाल पत्रकार महासंघको नेतृत्व आफुले लिन सबै पेशागत संगठनहरु लागि परेका छन् । प्रेस युनियन, चौतारी र केन्द्र अहिले घनिभुत रुपमा छलफलमा छन् । एक्लै चुनावमा जाने भन्दा पनि दुई संगठन मिलेर जानेतर्फ सबै अग्रसर देखिन्छन् । तर सबै आफ्नो नेतृत्वमा सहमति जुटाउने प्रयास गरिरहदा आइतबार दिउसोसम्म पनि सहमति जुट्न सकेको छैन । 
मंगलबार मतदान प्रक्रियामा जाने भएकाले अहिलेसम्म कुनै संगठनबीच गठबन्धन नहुँदा मतदाताहरु समेत उम्मेदवारको बारेमा अनविज्ञ छन् । तीन प्रमुख संगठनसहित प्रेस सेन्टर, क्रान्तिकारी पत्रकार संगठन, मिडिया सोसाईटी जस्ता संगठनहरु पनि आप्mनो प्रतिनिधित्व महासंघमा गराउन लविङ गरिरहेका छन् । 
महासंघको अधिवेशनले कार्यसमिति, प्रदेश पार्षद र केन्द्रीय पार्षद चयन गर्नेछ । महासंघमा यसपाली १ सय १९ मतदाता रहेको जनाईएको छ ।