सामुदायिक प्रहरी र सेवा केन्द्रको प्रहरी उपरीक्षक राठौरलाई स्वागत

२१पुस, हेटौंडा।भर्खरै सरुवा भइ जिल्ला प्रहरी कार्यालय मकवानपुर आएका प्रहरी उपरीक्षक सुशिल सिंह राठौरलाई स्वागत गरिएको छ।

सामुदायिक सेवा केन्द्र मकवानपुर तथा सामुदायिक प्रहरी सेवा केन्द्र पशुपतिनगरले सरुवा भइ मकवानपुर प्रहरी प्रमुखको रूपमा जिल्ला आएका प्रहरी उपरिक्षक सुशील सिंह राठौंरलाई सोमबार एक कार्यक्रमका बीच स्वागत गरेको छ।

सेवा केन्द्रका अध्यक्ष राम बिष्टको सभाध्यक्षमा केन्द्रको कार्यालय पशुपतिनगरमा आयोजना गरिएको स्वागत तथा सम्मान कार्यक्रमलाई सम्बोधन गर्दै प्रहरी उपरिक्षक राठौंरले  सबैसंग सहकार्य गरी अघि बढ्ने बताउँदै मकवानपुर बसाईमा लागु औषध र सवारी दुर्घटना न्युनिकरण आफ्नो प्रमुख लक्ष्य रहेको बताए।  

कार्यक्रममा हेटौडा वडा नं ९ का अध्यक्ष लक्ष्मण प्रसाद भण्डारी,सशस्त्र प्रहरी १४ नम्बर गण हेटौंडाका प्रहरी उपरिक्षक विकास घिमिरे,औद्योगिक क्षेत्र व्यवस्थापन प्रमुख राजेन्द्र कडेल, हेटौंडाअस्पताल विकास समिति हेटौडाका अध्यक्ष प्रकाश पौडेल,सामुदायिकका संस्थापक अध्यक्ष रामचन्द्र अर्याल,निवर्तमान अध्यक्ष कुमार पौडेल,इप्रका पशुपतिनगरका प्रहरी निरीक्षक अरुण कुमार कुशवाह लगाएतको उपस्थिति रहेको थियो।

त्यसैगरी स्वागत तथा सम्मान कार्यक्रम सहभागि सबैले नजिकै रहेको  सन्तेश्वर महादेव र सन्तोषीमाताको मंदिरको सरसफाई समेत गरेको थिए।