मकवानपुर क्याम्पसको शुल्क बृद्धि: तालाबन्दी पछि रिले अनसन

मंगलबारबाट सुरु भएको रिले अनसन, माथि नेविसंघले गरेको तालाबन्दी

२२पुस,हेटौंडा।मकवानपुरको एकमात्र ठुलो सामुदायिक क्याम्पस मकवानपुर बहुमुखी क्याम्पसले केहि दिन अघि गरेको शुल्क बृद्धिको विरोधमा विभिन्न राजनैतिक दलमा आबद्ध विद्यार्थी संघ संगठनले विरोध प्रदर्शन गरिरहेका छन्।

नेपाली कांग्रेस निकट विद्यार्थी संघ नेविसंघ मकवानपुर बहुमुखी क्याम्पस इकाईले सोमबार विरोध सभा गरि क्याम्पस प्रमुखलाई ज्ञापनपत्र बुझाउदै संचालक समिति अध्यक्ष र क्याम्पस प्रमुखको कार्यकक्षमा तालाबन्दी गरेको २४ घण्टा बित्न नपाउँदै सतारुढ दल निकट विद्यार्थी संगठन अनेरास्ववियु र अनेरास्ववियु (क्रान्तिकारी) र स्वतन्त्र विद्यार्थी युनियन ले शुल्क बृद्धिको विरोधमा मंगलबारबाट  क्याम्पस परिसरमै रिले अनसन सुरु गरेका छन्।

केहि महिना मात्र अघि क्याम्पस प्रमुखको नेतृत्व समालेका शंकर उपाध्यक्षलाई चुनैति दिदै नेविसंघले गरेको  तालाबन्दी खुल्न नपाउदै रिले अनसन सुरु भएको छ।मंगलबार सुरु भएको रिले अनसनमा स्वतन्त्र विद्यार्थी युनियनका अध्यक्ष कुमार केसी, अनेरास्ववियु क्याम्पस कमिटी अध्यक्ष एम. बि बस्नेत र अनेरास्ववियु क्रान्तिकारी क्याम्पस अध्यक्ष रामकृष्ण शिवाकोटी अनसन बसेका छन।

क्याम्पस प्रशासनले विद्यार्थीको ढाड सेक्ने गरि शुल्क बृद्धि फिर्ता नभए सम्म रिले अनसन जारी रहने आन्दोलनरत  विद्यार्थी संगठनहरुले बताएका छन्।