रानी वनको वार्षिकोत्सवमा ९ जना सम्मानित

२२ पुस, हेटौँडा । हेटौडा–६ चौघडामा रहेको रानी सामुदायिक वन उपभोक्ता समूहले विभिन्न विद्यामा उत्कृष्ठ काम गर्ने आफना ९ जना उपभोक्ताहरुलाई सम्मानित गरेको छ । समूहको २६ औं वार्षिकोत्सवको अवसरमा उपभोक्ताहरुलाई सम्मानित गरेको हो ।
 चौघडा बजारमा प्लाष्टिक विरुद्धको सुईरो अभियान संचालन गर्ने नवजीवन ज्योति क्लवका पूर्व अध्यक्ष गणेशकुमार श्रेष्ठ, सरसफार्ईमा अर्जुनप्रसाद हुमागाई, पशुपालनमा विकल्प व्यवसायिक कृषि फर्मका प्रोपाइटर बलराम अधिकारी, फूल तथा खेतीमा मन्जुश्री आधुनिक फूल एवम तरकारी खेतीकी प्रोपाईटर मन्जुकुमारी अधिकारी, सीप विकासमा ईन्द्रमाया पाख्रिनलाई सम्मानित गरिएको थियोे ।
यसैगरी वन समूहलाई सहयोग गर्ने होमनाथ गौतम, उत्कृष्ठ उपभोक्ताहरुमा हरिबोल बर्तौला, हरिबहादुर राई र राजुकुमार दुलाललाई सम्मानित गरिएको थियो । हेटौडा–६ का वडा अध्यक्ष अर्जुनप्रसाद चौलागाईको प्रमुख आतिथ्यता एवम समूहका अध्यक्ष कृष्ण बिडारीको अध्यक्षतामा कार्यक्रम भएको थियो ।
कार्यक्रममा हेटौडा उपमहानगरपालिकाकी कार्यपालिका सदस्य कल्पना विक. वडा सदस्य शुभद्रा तिमल्सिना, सामुदायिक वन उपभोक्ता महासंघ, मकवानपुरका अध्यक्ष साधुराम चौलागाई, सव डिभिजन वन कार्यालय, हेटौडाका रेन्जर विशाल कुमार लामा, जनकल्याण सहकारीका अध्यक्ष हिमाल पौडेल, मनकामना दुग्ध उत्पादक सहकारीका अध्यक्ष कृष्णप्रसाद दाहाल, कामधेनु बहुउद्धेश्यीय सहकारीका अध्यक्ष गौरबकुमार पराजुली, नारीचेतना सहकारीकी अध्यक्ष ज्ञानु अर्याल, भानु माविका अध्यक्ष खिलप्रसाद चौलागाई, समूहका सल्लाहकार विष्णुप्रसाद न्यौपाने, सचिव नानीमाया रुम्वा, कार्यालय सचिव भीमसेन पौडेल लगायतकाले मन्तव्य व्यक्त गरेका थिए ।