ठमेलबाट गुन्डागर्दीमा संलग्न २जना पक्राउ 

१माघ, हेटौँडा ।प्रहरीले गुन्डागर्दीमा संलग्न २जनालाई पक्राउ गरेको छ ।

बुधबार राति काठमाडौं ठमेलबाट २ जनालाई प्रहरीले पक्राउ गरेको हो विभिन्न प्रकारले धाकधम्की दिई गुन्डागर्दीमा संलग्न रहेको अभियोगमा बाग्लुङ् ढोरपाटन नगरपलिका –६ घर भई काठमाडौं ग्रिनल्याण्ड बस्ने ३१ वर्षीय देवेन्द्र बहादुर घर्तिमगर र धादिङ निलकण्ठ नगरपालिका –३ घर भई काठमाडौं नयाँबजार बस्ने २४ वर्षीय सुजन पौडेललाई पक्राउ गरिएको महानगरीय अपराध महाशाखा सुचना अधिकारी प्रहरी उपरीक्षक मुकेश कुमार सिंहले बताएका छन । उनिहरुलाई महानगरीय अपराध महाशाखाबाट खटिएको प्रहरीले सूचनाको आधारमा  पक्राउ गरिएको उपरीक्षक सिंहले बताएका छन ।
उनिहरु हातहतियार देखाउने तथा धाकधम्की समेत दिई त्रास पैदा गर्ने जस्ता कार्य संलग्न भएको साथै उनीहरुले २०६४ सालमा दुई व्यक्तिलाई गोली प्रहार गरी घाईते बनाएकोमा ज्यान मार्ने उद्योगमा ४ बर्ष जेल सजाय र २०७१ सालमा एक व्यक्तिलाई खुकुरी प्रहार गरी घाइते बनाएको ज्यान मार्ने उद्योगमा २०७३ सालमा धादिङमा ७ महिना र नुवाकोटमा ४ महिना सजाय भोगेको अनुसन्धानबाट खुल्न आएको जनाईएको छ। 
उनिहरु माथी आवश्यक अनुसन्धान भइरहेको प्रहरीले जनाएको छ ।