ए’ डिभिजन लिगः सातौं चरणका खेल शुक्रबारदेखि

२ माघ, हेटौंडा । सहिद स्मारक ‘ए’ डिभिजन लिग फुटबल प्रतियोगिताअन्तर्गत सातौं चरणका खेल शुक्रबारदेखि सुरु हुँदै छन् ।
अखिल नेपाल फुटबल संघ (एन्फा) को आयोजनामा जारी उक्त प्रतियोगितामा एन्फाले जारी गरेको सातौं चरणको खेल तालिकाअनुसार शुक्रबार मछिन्द्र फुटबल क्लबले हिमालयन शेर्पा क्लबसँग खेल्नेछ । 
त्रिपुरेश्वरस्थित दशरथ रंगशालामा हुने खेल अपराह्न ३ बजेपछि सुरु हुनेछ । मछिन्द्र आफ्नो शीर्ष स्थानको अग्रता कायम राख्ने योजनामा छ । 
यसअघि खेलेको छैटौं खेलसम्म मछिन्द्रले अपराजित रहेर १३ अंक जोडेको छ । मछिन्द्रले ४ खेलमा जित तथा दुई खेलमा बराबरी खेलेको छ । शेर्पा लिगको पुछारबाट दोस्रो स्थानमा छ । १३औं स्थानको शेर्पाले ६ खेलमा दुई हार र चार बराबरीसहित ४ अंक जोडेको छ । 
त्यसैगरी समान १३ अंकै जोडेको त्रिभुवन आर्मी क्लब दोस्रो स्थानमा छ भने साबिक विजेता मनाङ मस्र्याङ्दी तेस्रो स्थानमा छ । मनाङको १२ अंक छ । 
छैटौं चरणको खेल समाप्तिसँगै १० अंक जोडेको थ्री स्टार क्लब चौथो, नौ अंक जोडेको जाउलाखेल क्लब पाँचौं, आठ अंक जाडेको न्युरोड टिम (एनआरटी) छैटौं, समान आठ अंक जोडेको नेपाल पुलिस क्लब सातौं तथा आठ अंक रहेको संकटा क्लब गोलअन्तरका आधारमा आठौं स्थानमा छ । 
त्यस्तै ७ अंकका साथ ब्रिगेड ब्वाइज क्लब नवौं, ६ अंकका साथ च्यासल युथ क्लब दशौं, ५ अंक रहेको सशस्त्र प्रहरी बल (एपिएफ) एघाराँै, समान ५ अंक जोडेको फ्रेन्डस क्लब बाह्रौं स्थानमा छ भने हिमालयन शेर्पा तेह्रौं स्थानमा छ । 
जारी लिगमा १ अंक मात्र जोडेको सरस्वती युवा क्लब पुछारमा छ ।