मकवानपुरमा २ हजार ३ सयले लिए सुरक्षित गर्भपतन सेवा

३माघ, हेटौँडा । गर्भपतन के हो? गर्भपतन गराउदा अपनाउनुपर्ने तरिका के हो?यी सबै जानकारी र सुरक्षित गर्भपतन सेवाको बारेमा ५० प्रतिशत महिलालाई अझै जानकारी नभइरहेको अवस्थामा  गत अघिल्लो आर्थीक बर्षमा मकवानपुमा २ हजार ३ सय महिलाले सुरक्षित गर्भपतन सेवा लिएको तथ्याङ् सार्वजनिक भएको छ ।
अन्तराष्ट्रिय संस्था आईपासको सहयोगमा महिला तथा बालबालिका सुधार केन्द्र (ओचिन)ले शुक्रबार हेटौँडामा सुरक्षित गर्भपतन सम्बन्धी पत्रकारहरुसंगको अन्तरक्रिया कार्यक्रमको आयोजना गर्दै ओचिनले यस बारेमा जानकारी गराउदै मकवानपुरमा २ हजार ३ सय महिलाले सुरक्षित गर्भपतन सेवा लिएको तथ्याङ् सार्वजनिक गरेको हो ।कार्यक्रममा बोल्दै ओचिनका कार्यक्रम संयोजक सुप्रिमा सापकोटाले मकवानपुमा १७ सुचिकृत सरकारी स्वास्थ्य संस्था ८ स्वास्थ्य संस्था हरुबाट सुरक्षित गर्भपतन सेवा सञ्चालन भइरहेको जानकारी गराएकी छिन । 
उनले हेटौँडा उपमहानगर भित्र हेटौँडा बजारमा रहेका निजि क्लिनिक, मेरीस्टाप्स सेन्टर, परिवार नियोजन संघ र  सुनौलो भविष्य नेपालबाट पनि सुरक्षित गर्भपतनको सेवा लिन सकिने बताइन। कार्यक्रममा  कार्यक्रममा आइपासका पिताम्बर सिग्देलले मिडिया बाच डग रहेको भन्दै सुरक्षित गर्भपतनको बारेमा मिडियाले उल्लेखीय खल्ने बताउदै सुरक्षित गर्भपतन सम्बन्धी समाचार संकलनमा चित्र छनौट लगायतमा पत्रकारले ध्यान दिनुपर्ने कुराको बारेमा अवगत गराएका थिए । उनले सुरक्षित गर्भपतन सम्बन्धी कानुनमा तिनै तहको सरकारले नेतृत्वदायी भुमिका खेल्नुपर्ने बताए । 
कार्यक्रममा  जिल्ला जनस्वास्थ्य कार्यालयका निमित्त प्रमुख ठाकुर पौडेल, ओचिनका प्रमुख उद्धव बानियाँ,नेपाल पत्रकार महासंघ मकवानपुरका अध्यक्ष हरि हुमागाई, सचिव गणेश दर्पण अधिकारी लगायत सञ्चारकर्मीहरुको उपस्थिती रहेको थियो ।