निजि विद्यालयहरुसँग सहकार्य गर्न तयार छौः सभामुख श्रेष्ठ

४ माघ, हेटौंडा । निजी तथा आवासीय विद्यालय अर्गनाइजेशन नेपाल (प्याब्सन) बाग्मती प्रदेशको दोस्रो वार्षिक साधारणसभामा शनिबार हेटौंडामा सम्पन्न भएको छ । 
प्रदेश अध्यक्ष थगिन गुरुङको अध्यक्षतामा भएको साधारणसभामा बाग्मती प्रदेशका सभामुख सानुकुमार श्रेष्ठको प्रमुख आतिथ्यता रहेको थियो । 
कार्यक्रममा बोल्दै प्रमुख अतिथि श्रेष्ठले मुलुकलाइ समृद्धि तर्फ लैजान बागमती प्रदेशले शिक्षामा लगानी गर्ने बताए । निजी क्षेत्रका विद्यालयहरुसंग समन्वय गर्दै शैक्षिक गुणस्तर सुधार गर्न लागीपर्ने सभामुख सानुकुमार श्रेष्ठको भनाई थियो ।
उनले निजी विद्यालयहरुका कारण मुलुकको समग्र शैक्षिक गुणस्तरमा बृद्धि भएको दावी गरे ।  शिक्षाको विकासमा निजी क्षेत्रले धेरै योगदान गरेको भन्दै उनले सरकार निजी विद्यालयहरुसँग सहकार्य गरेर जान तयार रहेको उल्लेख गरे । 
कार्यक्रममा प्याब्सनका केन्द्रीय उपाध्यक्ष गोपालप्रसाद आचार्य, केन्द्रीय सदस्य मदनकुमार दाहाल। बागमती प्रदेशका बरिष्ठ उपाध्यक्ष केसबलाल श्रेष्ठ, सचिब राममणी सापकोटा, कोषध्यक्ष भोजराज शाही लगायतले मन्तव्य व्यक्त गरेका थिए । 
प्याब्सन मकवानपुरका कार्यबाहक अध्यक्ष विनोद सुबेदीले सहजीकरण गरेको कार्यक्रममा अध्यक्ष थगिन गुरुङले कार्यपत्र प्रस्तुत गरेका थिए भने प्रदेश सचिव राममणि सापकोटाले प्रगति प्रतिवेदन तथा कोषाध्यक्ष भोजराज शाहले आर्थिक प्रतिवेदन प्रस्तुत गरेका थिए । 
कार्यक्रमकै बीच प्याब्सन प्रदेश सदस्यरुलाई लेखापरीक्षण सम्बन्धी ज्ञानसमेत प्रदान गरिएको थियो ।