हेटौंडामा सडकपेटी नै छेकेर गरिन्छ व्यापार, नगरप्रहरी मुकदर्शक

तस्विर: प्रष्ट खबर

सुनिल शिवाकोटी

१० माघ, हेटौंडा । सडकको दायाँ बायाँ बटुवा र पैदलयात्री यात्रा गर्न सहज होस भनेर  राजमार्गहोस वा शाखाबाटोको दायाँ बायाँ कम्तिमा ५ मिटर छोडिएको हुन्छ। त्यो सडकपेटीको काम निर्वाद रुपमा पैदल यात्रीलाई आवतजावतमा टेवा पुयाउनु हो।

तर बागमती प्रदेशको राजधानी हेटौंडा र देशको उत्कृष्ट नगरपालिकाको नाम कमाएको हेटौंडा उपमहानगरपालिकाको बुद्ध चोक देखि सानो पोखरा चोकसम्मका सडकपेटीमा पैदलयात्री नभइ व्यापारिका व्यापार गर्ने थलोको रुपमा रुपान्तरण भएको छ।

यो त उदाहरण मात्र हो हेटौंडा बजारको अधिकांस चोक र गल्लिमा सडकपेटी आज भोलि  खुद्रा व्यापारीको व्यापार गर्ने थलो बनेको छ। आजभोलि बुद्ध चोकदेखि कान्तिलोक पथ सम्म किराना पसले, कान्तिलोक पथ देखि सानो पोखरा चोकसम्मका सडकमा दायाँ बायाँ सडकपेटी हाडवेयरमा पसललेको व्यापार गर्ने थलोको रुपमा रुपान्तरण हुदै गएको छ ।

जसलेगर्दा पैदल यात्री मुलसडकनै छेकेर यात्रा गर्न बाध्य भएका छन्, यसकारण सडक दुर्घटनाको निकै जोखिम रहेको ट्राफिक प्रहरीलनै बताउदै आएको छ। जिल्ला ट्राफिक प्रहरी कार्यालय मकवानपुरले बिहिबार पत्रकार सम्मेलन गरी सडकपेटी पार्किङ स्थल बनेको बताएको छ।

यसको व्यवस्थापनको बारेमा बुझ्दा  हेटौंडा उपमहानगरपालिकाले नगरप्रहरी परिचालन गरिएको र छिट्टै व्यवस्थापन हुने बताएपनि, परिचालन गरिएका नगरप्रहरी मुखदर्शक बनेको जसले गर्दा आफुहरु सडकबाटै हिडन बाध्य भएको हेटौंडा ५ सानो पोखरा नजिक सडकमै हिडदैगरेकी हेटौंडा २ निवासी अमृता बर्तौलाले बताइन ।"हामीलाई हिडनै गाह्रो भयो कहाँबाट हिडने हिडन बनाइएको पेटी व्यापारिको कब्जामा छ,सडकबाट हिडौँ दुर्घटनामा परिएला भन्ने पिर नहिडौँ विकल्प छैन"बर्तौलाले बताइन।सडकपेटी व्यापारका लागि हो कि बटुवालाई आवतजावत गर्न हो यस विषयमा सम्बन्धित निकायको ध्यान जान जरुरी देखिन्छ।

सडकमा भेटिएका पैदलयात्रीले सडक पेटीबाट सहज आवतजावतको व्यवस्था मिलाईदिन उपमहानगरपालिकासंग माग गरेका छन् " कि सडकपेटी खालि गराउ कि सडक चौडा बनाउ"।