सिस्नेरीमा रहेको बत्सलादेवी माविले महायज्ञ गर्ने

१२माघ,हेटौँडा।इन्द्रसरोवर गाँउपालिका ३ सिस्नेरीमा माघ २२ गतेदेखि फाल्गुण १ गते सम्म श्रीमद्भागवत सप्ताह ज्ञान महायज्ञ हुने भएको छ।
इन्द्रसरोवर ३ सिस्नेरीमा बत्सलादेवी माध्यामिक विद्यालयले यही माघ २२ गतेदेखि फाल्गुण १ गते सम्म सप्ताहब्यापी महायज्ञ गर्ने भएको हो । 
बत्सलादेवी माध्यामिक विद्यालयमा सुविधायुक्त सिभिल ईन्जिनियरिङ प्राविधिक शिक्षालय सञ्चालनका लागि विद्यालयले महायज्ञ आयोजना गर्न लागेको महायज्ञ मूल समारोह समितिका संयोजक अशोक कुमार ठकुरीले जानकारी दिएका छन । सप्ताहब्यापी कार्यक्रममा ख्यातिप्राप्त विद्धान बालन्यास पं. श्री मुकुन्द नेपालको वाचकत्वमा संगीतमय भावपूर्ण कथा प्रवचन तथा आचार्य पन्डित  मनोज नेपालबाट पाठपारायण हुने महायज्ञ मूल समारोह समितिका प्रचारप्रसार संयोजक सन्तोष बानियाँले जानकारी दिएका छन ।   
माघ २२ गते बिहान ८ः१५ मा बत्सलादेवी मन्दिरबाट पूर्वाङ्ग पूजा तथा कलश यात्रासुरु गरी दिउँसो ११ बजे महायज्ञको समुद्घाटनको कार्यतालिका रहेको र फाल्गुण १ गते पूर्णाहुती, महाप्रसाद वितरण गरिनुका साथै प्रत्येक दिन भगवानको दिव्य झाँकी लीला प्रदर्शन, विशेष आरती, पाठपारायण, कथा वाचन, तिलार्चन लगायतका कार्यक्रमहरु रहने बानियाँले बताएका छन।वि.सं. २०१० सालमा स्थापना भएको विद्यालयमा यसै शैक्षिकशत्र देखि सिभिल ईन्जिनियरिङको पढाई सुरु गरेको छ ।